19, 20. “Imota” gidida attuma asaa nashshiyoogaa ayba ogiyan bessana danddayay?

¹⁹ Inttessi qoppidi giigissido imotaa issi uri immikko, waatuuteetii? Hegaa goꞌettiyoogan nashshiyoogaa besseetii? “Imota” gidida attuma asay, Yesuus Kiristtoosa baggaara Yihooway intteyyo giigissidoba. He imotau galatiyoogaa intte bessiyo issi ogee, cimati shiishshiyo haasayaa wozanappe ezggiyoogaananne eti yootidobaa oosuwan peeshshanau baaxetiyoogaana. SHiiquwan loꞌꞌo qofaa immiyoogankka nashshiyoogaa bessana danddayeeta. Haggaazuwaa mala, cimati sintta xeera gididi kaalettiyo oosuwaa kaafite. Issi cimay zorido zoriyan goꞌettidaba gidikko, hegaa aybissi ayyo yootekketii? Hegaa bollikka, gubaaꞌiyaa cimaa keettaa asaakka nashshiyoogaa bessite. Issi cimay gubaaꞌiyau minnidi oottanaadan, a soo asay aara issippe aattiyo wodiyaa yarshshiyoogaa hassayite.

Xoossay Ixxiyo Wogata Eqettite!

YESUUS Kiristtoosi, “Tumatettai inttena ailletettaappe kessana” yaagiis. (Yoh. 8:32) Ee, Kiristtaane gidiyoogee malan ammaniyoogaappe, worddo timirttiyaappe, hanennabaa hidootiyoogaappenne shori baynnabaa oottiyoogaappe naxa kessees.

Beni wodeegaadan, ha wodiyan deꞌiya Kiristtaanetikka beni wogau aylle gidanaadan darotoo paacettoosona. (Gal. 4:9, 10) Asay kaalliyo woga ubbay qohiyaaba gidenna. Issi Kiristtaanee ba heeran deꞌiya loꞌꞌonne goꞌꞌiya wogaa kaallanau doorana danddayiyoogee qoncce. SHin wogati Xoossaa Qaalaara maayenna wode Kiristtaaneti hegaa kaallokkona. Hegaa gishshau, Yihoowa Markkati ufayssa Masqqalaa, yeleta gallassaanne Xoossaa Qaalaara moggenna hegaa mala hara baalata bonchennaagan erettoosona.

Darotoo hagaa mala mino equwaara deꞌiyo hanotay, laggeti, shoorotinne ammanenna dabboti qilliiccanaadaaninne yedettanaadan oottana danddayees. Hegaa mala hanotay mooguwaara, bullachaaranne yeletaara gayttidabaa darotoo bonchiyo, cora qommo wogay deꞌiyo issi issi Afirkka biittatun deꞌiyaaba. Issi wogaa kaallanaadan gakkiya sugettay wolqqaama gidana danddayees; hegee darotoo wolqqan yashissiyoogaa gujjees. Kiristtaaneti hagaa mala hanotaa waani genccana danddayiyoonaa? Hegaa mala paaciyan xoonettennan xooni kiyana danddayettii? He oyshaa zaaruwau, Geeshsha Maxaafaara moggenna issi issi wogaa xeelliyaagan ammanettida Kiristtaaneti ay oottidaakko ane beꞌos.

Mooguwaara Gayttida Mala Ammano Meezeta

Tohossa Afirkkan deꞌiya biittatun mooguwaaranne baliyaara gayttida cora wogati deꞌoosona. Kayyottiya asati issi woy hegaappe dariya qammau tamay toꞌennan eexxiyo, yeeho keettan aqiyoogee