Kiristtaanetu Deꞌuwaanne Haggaazuwaa SHiiquwaa Xannaꞌiyo Xuufiyan Odettida Xuufeta
LAAPPUNE 7-13
XOOSSAA QAALAN DEꞌIYA ALꞌꞌOBAA | 1 SAMEELA 12-13
“Otorettiyoogee Kawushshees”
w17 1/15 17 ¶1
Ashkketettay Keehi Koshshiyo Gaasuwaa
1 BENI Israaꞌeela biittaa Kawoy Saaꞌooli kawotiyo wode ashkkenne bonchettida asa. (1 Sam. 9:1, 2, 21; 10:20-24) SHin kawoti simmidi takkennan, otoruwaa bessiyaabaa zaari zaaridi oottiis. Xoossaa ashkkaray, hananabaa yootiya Sameeli keerido wodiyan Gelggala gakkibeenna wode, i danddayan naagennan ixxiis. Pilisxxeemati olawu giigettoosona, Israaꞌeelati qassi Saaꞌoola aggidi boosona. I, ‘Taani eesuwan issibaa oottana koshshees’ giidi qoppennan aggenna. Yaatiyo gishshawu, Xoossawu yarshshuwaa shiishshiyoogan, ba maata gidennabaa oottiis. Yihooway hegan ufayttibeenna.—1 Sam. 13:5-9.
w17 1/15 17-18 ¶2
Ashkketettay Keehi Koshshiyo Gaasuwaa
2 Sameeli Gelggala gakkiyo wode, Saaꞌoola seeriis. Saaꞌooli seeraa ekkiyoogaa aggidi, ba mooruwaa gaasoyiis, haratu bolli wottiisinne laafa moorodan xeelliis. (1 Sam. 13:10-14) Saaꞌoolappe a kawotaa maataynne Yihoowan nashettiyoogee wurssettan halanaadan oottida amarida iitabay hegan doommiis. (1 Sam. 15:22, 23) Saaꞌoola deꞌoy doomettan loꞌꞌo gidikkonne, iita kunddettan polettiis.—1 Sam. 31:1-6.
Ayyaanaaban Alꞌꞌobaa
Yihoowa Siiqo Kaaletuwaa Kaalleetii?
15 Israaꞌeelati Yihoowa haaruwaappe asa haaroy aadhidi ammanettiyaabadan qoppennan aggokkona. Hegaadaana gidikko, eti tumuppe pattennabaa kaallidosona. Qassi Seexaanay yootiyo, pattennaba gidida darobaa kaalliyo daafan geloosona. Eta haariya asi eti eeqau goynnanaadan oottana danddayees. Eeqau goynniyoogee, mittaappenne shuchaappe merettida he eeqay, ubbabaa medhida, ayfiyan beettenna Xoossaa Yihoowappe aaruwan ammanttiyaaba giidi eti balan qoppanaadan oottees. SHin kiitettida PHauloosi yootidoogaadan, eeqay ‘aybanne gidenna.’ (1 Qor. 8:4) Eeqay beꞌana, siyana, haasayananne oottana danddayenna. Intte eeqaa beꞌanaunne bochanau danddayiyaaba gidikkokka, au goynniyoogee, tummuppe bashshaa kaalettiya, pattennabaa kaalliyoogaa.—Maz. 115:4-8.
LAAPPUNE 14-20
XOOSSAA QAALAN DEꞌIYA ALꞌꞌOBAA | 1 SAMEELA 14-15
“Azazettiyoogee Yarshshiyoogaappe Aadhdhees”
w07 6/15 26 ¶4
Neeni Azazettiyoogaa Yihooway Nashshees
4 Yihooway nuna Medhdhidaagaa gidiyo gishshawu nuuyyo deꞌiya aqo ubbay abaa. Yaatin nuuni ayyo immana danddayiyoobi deꞌii? Ee deꞌees, nuuni keehi alꞌꞌobaa awu immana danddayoos. Hegee aybee? Kaallidi deꞌiya zoriyaappe he oyshaa zaaruwaa demmana danddayoos: “Ta na7au, neeni aadhdhida eranchcha gida. Yaatiyaakko taani ufaittananne tana boriyaageetu oishaakka zaarana.” (Leemiso 27:11) Nuuni Xoossaayyo azazettiyoogan awu immana danddayoos. Nu hanotaynne nu diccido ogee issoy issuwaagaappe dumma gidikkonne, Yihoowayyo azazettiyoogan, metoy gakkiyo wode asay Xoossaayyo ammanettenna giidi Seexaanaa Dabloosi mootido worddo mootuwawu nuuni ubbaykka zaarana danddayoos. Hegee keehi gita maata!
w20 11/15 20 ¶4, 5
Neeni Ubbatoo Laamettanawu Eeno Guutee?
4 Nuna ziqqi oottennan aggiyo wode aybi hanana danddayiyaakko Kawuwaa Saaꞌoola hanotay bessees. Saaꞌooli keehi otorettidoogee I qoppiyoobaanne oottiyoobaa laammana koshshiyoogaa akeekennaadan oottiis. (Maz. 36:1, 2; Imb. 2:4) Leemisuwawu, Saaꞌooli Amaaleeqata xooni simmidi oottana koshshiyaabaa Yihooway ayyo yootido wode, I Yihoowawu azazettibeenna. I azazettibeennaagaa Sameeli ayyo yootido wode, Saaꞌooli ba mooruwaa ammanennan ixxiis. Yaatidi hegee gita mooro gidennaagaanne asay wolqqanttin hegaa I oottidoogaa yootiis. (1 Sam. 15:13-24) Kasekka Saaꞌooli hegaa malabaa oottiis. (1 Sam. 13:10-14) I otorettidoogee azanttiyaaba. I ba qofaa suurissibeenna gishshawu Yihooway A seeriisinne ixxiis.
5 Nuuni Saaꞌoola mala gidana koyenna gishshawu, kaallidi deꞌiya oyshata nuna oychchana bessees: ‘Taani Xoossaa Qaalaa nabbabiyo wode, hegaa oosuwan peeshshennan agganawu gaasoyiyaanaa? Taani oottiyoobay iita gidenna gaada qoppiyaanaa? Taani oottidobaa haratun gaasoyiyaanaa?’ Nuuni ha oyshatuppe awugaanne ee giidi zaarikko, nuuni nu qofaanne nu xeelaa laammana koshshees. Yaatana xayikko, nuuni otorettana danddayiyo gishshawu, Yihooway nuna ba dabbo oottenna.—Yaaq. 4:6.
Ayyaanaaban Alꞌꞌobaa
Qarettiyoogan Yihoowa Milata
10 Hegee nuuni ubba hanotan qarettana bessees giyoogaa gidenna. Qommoora odettida Geeshsha Maxaafan deꞌiya taariketun Xoossay qarettidoogee bessiyaaba. SHin Kawuwaa Saaꞌooli qarettaas gi qoppidi oottidoba milatiyaaban azazettennan ixxiis. I Xoossaa asaa morkkiyaa, Agaaganne ubbaappe loꞌꞌiya meheta ashshiis. Hegaappe denddidaagan, Yihooway Saaꞌooli Israaꞌeela kawo gidennaadan diggiis. (1 Sam. 15:3, 9, 15) Yihooway asaa wozanaa beꞌana danddayees. I xillo Daanna gidiyo gishshawu, awude qarettana bessennaakko erees. (Zil. 2:17; Hiz. 5:11) I bawu azazettanawu koyenna ubbaa bolli pirddiyo wodee matattiis. (2 Tas. 1:6-10) Hegee, i iita giidi pirddidoogeetussi qarettiyo wode gidenna. Ubba eta xayssiyoogee, i ashshana xillotussi qarettiyoogaa bessiyo oge.
LAAPPUNE 21-27
XOOSSAA QAALAN DEꞌIYA ALꞌꞌOBAA | 1 SAMEELA 16-17
‘Olay Yihoowaagaa’
“Olai GODAAGAA”
Daawiti gaammuwaanne beeriyaa oottidobaa odidi, Saaꞌoola ammanttiis. I hegaa otorettanawu giidee? CHiikka. Daawiti hegaadan xoonanaadan maaddiday aybakko erees. I, “Gaammuwaanne beeriyaa xugunttaappe tana ashshida GODAI ha Pilisxxeemiyaa kushiyaappekka ashshana” yaagiis. Saaꞌooli wurssettan a qofaa maayidi, “Ba; Xoossai nenaara gido” yaagiis.—1 Sameela 17:37.
Neeyyo Daawitaagaa mala ammanoy deꞌanaadan koyay? Yaanikko, Daawiti coo mela ammanibeennaagaa akeeka. I eridobaynne ba deꞌuwan beꞌidobay Xoossaa ammananaadan oottiis. I Yihooway siiquwan Naagiyaagaanne ba gelido qaalaa Poliyaagaa gidiyoogaa erees. Nuuyyo hegaa mala ammanoy deꞌanaadan koyikko, Geeshsha Maxaafaa xaafissida Xoossaabaa ubbatoo tamaarana koshshees. Nuuni tamaaridobaa oosuwan peeshshiyo wode demmiyo loꞌꞌobay, nu ammanoy minnanaadan oottana danddayees.—Ibraawe 11:1.
“Olai GODAAGAA”
Daawiti ayyo zaaridobay awu gita ammanoy deꞌiyoogaa bessees. He yelaga naꞌay Gooliyaadawu hagaadan giidoogaa qoppa: “Neeni bisuwaa, bodaanne xinqqaa oiqqada ta bolli yaasa; shin taani Ubbaappe Wolqqaama GODAA sunttan, neeni naassido Israa7eela olanchchatu Xoossaa sunttan ne bolli yais.” Xoonanawu maaddiyay asa wolqqaa woy wolqqaama ola miishshaa gidennaagaa Daawiti erees. Gooliyaadi Xoossaa Yihoowa karido gishshawu, Yihooway a qaxxayana. Daawiti giidoogaadan, “olai GODAAGAA.”—1 Sameela 17:45-47.
Gooliyaadi wogga wolqqaama asa gidiyoogaanne i oyqqido ola miishshaykka wolqqaama gidiyoogaa Daawiti erees. SHin Daawiti hegaa beꞌidi yayyibeenna. I Saaꞌoolinne a olanchati hanidoogaadan hanibeenna. Daawiti bana Gooliyaadaara geeddarssibeenna. I Gooliyaada Yihoowaara geeddarssiis. Gooliyaadi 2.9 meetire adussa gidiyo gishshawu hara asaappe keehi aduqqiyoogee tuma; shin saluwaa saꞌaa Medhidaagaara gatti xeelliyo wode i ay keenee? Hara ay asaagaadankka i guxuniyaappe aybiininne dummatenna; Yihooway a sohuwaara xayssana!
“Olai GODAAGAA”
Ha wodiyan, Xoossaa ashkkarati hegaa mala olaa olettokkona. Hegee haꞌꞌi attiis. (Maatiyoosa 26:52) Gidikkokka, nuuni Daawitaagaadan ammanana bessees. Nuunikka aagaadan, goynnananne yayyana bessiyoy tumu Xoossaa Yihoowa xalla gidiyoogaa akeekana bessees. Issi issitoo, nu metuwaara gatti xeelliyo wode nuussi wolqqi baynnaba milatana danddayees; shin zawi baynna Yihoowa wolqqaara gatti xeelliyo wode nu metoy keehi laafa. Nuuni Daawitaagaadan Yihooway nu Xoossa gidanaadan doorikko, ayba metoynne woy unꞌꞌissiyaabay nuuni hidootaa qanxxanaadan oottenna. Yihooway xoonana danddayennabi aybinne baawa!
Ayyaanaaban Alꞌꞌobaa
w05 3/15 23 ¶7
Koyro Sameela Maxaafan Deꞌiya Kulkka Qofata
16:14—Saaꞌoola niqiichchida iita ayyaanay aybee? Saaꞌooli saruwaa xayanaadan oottida iita ayyaanay, I iitabaa oottanaadan denttettiya A wozanan deꞌiya iita qofaa bessees. Yihooway ba ayyaanaa Saaꞌoolappe ekkido gishshawu, he iita ayyaanay A niqiichchiis. Yihooway ba geeshsha ayyaanaa sohuwan “iita ayyaanai” gelidi Saaꞌoola niqiichchanaadan paqqadido gishshawu, hegee ‘Yihoowappe kiitettida iita ayyaanaa’ geetettiis.
LAAPPUNE 28–HOSPPUNE 3
XOOSSAA QAALAN DEꞌIYA ALꞌꞌOBAA | 1 SAMEELA 18-19
“Ubbabay Injjetiyo Wodekka Ashkke Gida”
w04 4/1 15 ¶4
Ne Deꞌuwan Gakkiyaabaa Genccanawu Xoossaa Ayyaanan Ammanetta
4 Dorssaa heemmiya ha naꞌay guutta wodiyaappe guyyiyan ubbasan erettida asa gidana. I Kawuwaassi oottanaadaaninne ayyo diittaa diixxanaadan xeegettiis. I Israaꞌeela biittan deꞌiya gooba wotaaddarati yayyido, keehi wolqqaama olanchcha gidida Gooliyaada woriis. Daawiti olanchchatu halaqa gidi simmidikka Pilisxxeemata olan xooniis. Qassi asay A keehi dosido gishshawu yettankka sabbiis. Hegaappe kase, Saaꞌoola ashkkaratuppe issoy yelaga Daawiti “diittaa loittidi” diixxiyoogaa xalla gidennan, Daawiti “xalanne tooranchcha asa; haasayassi cinccanne puulanchcha asa” gidiyoogaakka yootiis.—1 Sameela 16:18; 17:23, 24, 45-51; 18:5-7.
Xillotunne Iitatu Dummatettaa Akeeka
6 Issoti issoti meraa loꞌꞌo, daro asay dosiyoogeeta, yettan gooba, wolqqaama woy nashettidaageeta gidiyo gishshawu otorettoosona. Daawitayyo hegeetuppe issuwaa xalla gidennan, ubbaykka deꞌikkokka, I ba deꞌo laytta ubban ba huuphiyaa kawushshidi deꞌiis. I Gooliyaada wori simmin Kawuwaa Saaꞌoola naꞌiyaa assi machcho gidanaadan imettin, Daawiti hagaadan giis: “Kawoora bollotanau taani oonee? Ta so asaikka aibee? Woikko ta aawaa yaraikka Israa7eela asaa giddon aibee?” (1 Sam. 18:18) Daawiti ba huuphiyaa kawushshidi deꞌanaadan aybi maaddidee? He eeshshata, he eraanne he maataa Daawiti demmidoy Xoossay ‘duge hokkidi’ woy ba huuphiyaa kawushshidi, A xeellido gishshataassa gidiyoogaa I eriis. (Maz. 113:5-8) Daawiti baassi deꞌiya loꞌꞌoba ubbaa Yihoowappe ekkidoogaa akeekiis.—1 Qoronttoosa 4:7ra gatta xeella.
7 Daawitadan, Yihoowa asay ba huuphiyaa kawushshanawu ha wodiyan baaxetees. Saluwaaninne saꞌan Ubbaappe Xoqqiya Yihooway ‘ba huuphiyaa kawushshiyoogaa’ eriyoogan nuuni maalaalettoos. (Maz. 18:35, NW) “Maarotettaa, qaretaa, kehatettaa, intte huuphiyaa kaushshiyoogaa, ashkketettaanne danddayaa maayite” giya zoriyaa nuuni oosuwan peeshshanawu baaxetoos. (Qol. 3:12) Nuuni siiqoy ‘ceeqettennaagaakka otorettennaagaakka’ eroos. (1 Qor. 13:4) Harati nuuni nu huuphiyaa kawushshiyoogaa akeekiyo wode, eti Yihoowa eranawu koyana danddayoosona. Ammanenna azinaa A machchee loꞌꞌo eeshshay Yihoowakko shiiqanaadan oottana danddayiyoogaadan, Xoossaa ashkkarati bantta huuphiyaa kawushshiyoogee asay akko shiiqanaadan oottana danddayees.—1 PHe. 3:1.
Ayyaanaaban Alꞌꞌobaa
it-2 695-696
Hananabaa Yootiyaagaa
Hananabaa yootiyaageeti Yihoowa ayyaanan sunttettoosona, shin hegaa giyoogee Xoossaa kiitaa etawu geeshsha ayyaanay ubbatoo qonccissees giyoogaa gidenna. SHin, eti Xoossaa kiitaa asawu yootana bessiyo wode, A ayyaanay ‘eta bolli wodhdhees.’ (Hiz 11:4, 5; Mik 3:8) Hananabaa yootanaadan he ayyaanay eta denttettees. (1Sam 10:10; Erm 20:9; Amo 3:8) Hananabaa yootiyaageeti meeze gidennabaa oottiyoogaa xalla gidennan, eti keehi xala gidiyoogaa eti yootiyoobaynne eta hanotay qonccissees. Issi uri ‘hananabaa yootiyaagaadan haniis’ giyoogee woygiyoogaakko he qofay amaridabaa qonccissennan waayi aggana. (1Sam 10:6-11; 19:20-24; Erm 29:24-32; qassi Oos 2:4, 12-17; 6:15; 7:55ra gatta xeella.) Hananabaa yootiyaageeti banttawu imettida oosuwan xeelaa wottidi xalatettan poliyoogee, eti eeshshan keehi dummatiyaabadan ubba gooyiyaabadan harati xeellanaadan oottana danddayees; Yeehu kawo gidanaadan sunttettido wode, olanchchatu gadaawati hananabaa yootiyaagaa hegaadan xeellidosona. SHin olanchchatu gadaawati I hananabaa yootiyaagaa gidiyoogaa erido gishshawu, eti I yootidobaa akeekan siyidi maayidosona. (2Kaw 9:1-13; qassi Oos 26:24, 25ra gatta xeella.) Saaꞌooli Daawita yedettiyo wode, ‘hananabaa yootiyaagaadan haniis;’ I ba maayuwaa qaaridi, “he gallassa ubbaanne qammaa ubbaa kallo zin77iis,” Daawiti baqatidoy he wode gidennan aggenna. (1Sam 19:18–20:1) Hegee hananabaa yootiyaageeti darotoo kallo hemettoosona giyoogaa gidenna; ayssi giikko, Geeshsha Maxaafay hegaappe dummatiyaabaa yootees. Hananabaa yootiyaageeti bantta yootiyoobaara gayttidabaa qonccissanawu giidi kallo hemettidoogaa yootiya hara naaꞌꞌu hanotati Geeshsha Maxaafan xaafettidosona. (Isi 20:2-4; Mik 1:8-11) Saaꞌooli kallo hemettidoy aybissakko Geeshsha Maxaafay yootenna. I kallo hemettidoy I coo asa gidiyoogaa bessanawu, A kawotaa maayoy appe qaarettido gishshawu, Yihoowa maataaranne wolqqaara gatti xeelliyo wode aagee keehi guutta gidiyoogaa bessanawu woy hara gaasuwawu gido odettibeenna.
HOSPPUNE 4-10
XOOSSAA QAALAN DEꞌIYA ALꞌꞌOBAA | 1 SAMEELA 20-22
“Loꞌꞌo Lagge Gidanawu Waatana Koshshii?”
Wurssettay Yaanaappe Kase Mino Laggetettaa Medhdha
18 Ha wodiyan, nu ishanttanne michchontta dumma dumma metoy gakkees. Leemisuwawu, daroti meretay woy asay gattiyo daafaban qohettoosona. Hegaa malabay gakkiyo wode, nuuppe amaridaageeti daafaban qohettida nu laggeta nu son mokkana danddayennan aggokko. Harati qassi miishshan maaddana danddayoosona. Gidoppe attin, Yihooway nu ishanttanne michchontta maaddanaadan nuuni ubbay woossana danddayoos. Issi ishay woy michchiyaa hidootaa qanxxidoogaa nuuni akeekikko, woyganaakko woy waatanaakko erennan aggana danddayoos. Gidikkonne, nuuni ubbaykka maaddana danddayoos. Leemisuwawu, nu laggiyaara issippe aattiyo wodiyaa bazzana danddayoos. I woy A haasayiyo wode nuuni kehatettan ezggana danddayoos. Qassi nuuni dosiyo minttettiya xiqisiyaa yootana danddayoos. (Isi. 50:4) Keehi koshshiyaabay ne laggetussi neeni koshshiyo wode eta maaddanawu koyiyoogaa.—Leemiso 17:17 nabbaba.
w08 2/15 8 ¶7
Yihooway Kessido Maarata Kaalla
7 Xoossay nuuni ammanettiya lagge gidanaadan koyees. (Leemiso 17:17) Kawuwaa Saaꞌoola naꞌay Yonaataani Daawitawu mata lagge gidiis. Daawiti Gooliyaada woridoogaa Yonaataani siyidi, “Daawitaara daro mata dabbotettaa medhdhiis; Yonaataani Daawita ba huuphedan siiqiis.” (1 Sam. 18:1, 3) Saaꞌooli Daawita woranawu koyido wodekka, Daawiti naagettanaadan Yonaataani zoriis. Daawiti baqatidi deꞌiyo wode, Yonaataani Daawitaara gayttidi maachchaa maacettiis. Daawitabaa Saaꞌoolawu yootiyoogee Yonaataani hayqqanaadan oottiyaaba gidikkonne, he laggeti zaaretti gayttidi bantta dabbotaa minttidosona. (1 Sam. 20:24-41) Eti wurssettan issippe gayttido wodiyankka, Daawiti ‘Yihoowa mintti ammananaadan’ Yonaataani minttettiis.—1 Sam. 23:16-18.
Siiqoy Baynna Alamiyan Laggetettaa Naagidi Deꞌiyoogaa
11 Ammanettiyaagaa gida. Solomoni, “Laggee mule wodekka siiqees; ishaikka metuwaa wode maaddanaassi yelettees” yaagidi xaafiis. (Leemiso 17:17) Solomoni ha qofaa xaafido wode, ba aawaa Daawiti Yonaataanaara medhido laggetettaa qoppennan aggenna. (1 Sameela 18:1) Kawuwaa Saaꞌooli ba naꞌaa Yonaataani Israaꞌeele kawotettaa laattanaadan koyiis. SHin kawo gidanaadan Yihooway dooridoy Daawita gidiyoogaa Yonaataani ammanidi ekkiis. Saaꞌoolaagaappe dumma hanotan, Yonaataani Daawita qanaatibeenna. (1 Sameela 20:24-34) Nuuni Yonaataana malee? Nu laggeti gubaaꞌiyan maata demmiyo wode, ufayttiyoo? Metoy eta gakkiyo wode, minttettiyoonne kaafiyoo? Issi uri nu laggiyaa zigirikko, hegaa sohuwaara ammanidi ekkiyoyye, Yonaataanaagaadan nu laggiyau ammanettidi a kaafiyoo?
Ayyaanaaban Alꞌꞌobaa
w05 3/15 24 ¶4
Koyro Sameela Maxaafan Deꞌiya Kulkka Qofata
21:12, 13. Nuna gakkiya metuwaa genccanawu nu akeekaa abbiyaa goꞌettanaadan Yihooway koyees. Nuuni akeekaanne eratettaa demmanaadan, qassi yuushshi qoppiyaageeta gidanaadan maaddiya ayyaanay kaalettin xaafettida ba Qaalaa nuussi immiis. (Leemiso 1:4) Qassi, gubaaꞌe cimatu maaduwaakka demmana danddayoos.
HOSPPUNE 18-24
XOOSSAA QAALAN DEꞌIYA ALꞌꞌOBAA | 1 SAMEELA 23-24
“Danddayan Yihoowa Naaga”
“Ne Sheniyaa Oottana Mala, Tana Tamaarissa”
8 Daawiti Israaꞌeela koyro kawuwaa Saaꞌoolaara gayttidaagankka Yihoowan ammanettiyoogaa bessees. Daawita qanaatiya Saaꞌooli heezzutoo a godaara gattidi tooran sikkanau maliis, shin he ubban Daawiti deshidi attiisippe attin, halo kessibeenna. Wurssettan Saaꞌoolappe baqatiis. (1 Sam. 18:7-11; 19:10) Hegaappe simmin, Saaꞌooli kumetta Israaꞌeelappe doorettida 3,000 olanchata ekkidi Daawita koyanau bazzuwaa biis. (1 Sam. 24:2) Wurssettan, Daawitinne a asay deꞌiyo gonggoluwaa Saaꞌooli erennan biis. Daawiti he qaadan bana woranau koyiya kawuwaa worana danddayiiddi aggiis. Qassi, Xoossay Saaꞌoola sohuwan Israaꞌeela biittan Daawiti kawotanaadan yootiis. (1 Sam. 16:1, 13) Daawiti ba asati yootiyoobaa siyidaba gidiyaakko Saaꞌoola worana danddayees. SHin Daawiti, “GODAI tiyidi kawoyido ta godaa taani hegaa oottanaagaa woikko a bolli ta kushiyaa denttanaagaa GODAI taappe haasso” yaagiis. (1 Sameela 24:4-7 nabbaba.) Saaꞌooli he wodekka, Xoossay tiyido kawo. Yihooway Saaꞌoola kawotettaappe denttiichibeenna gishshau, Daawiti a denttanau koyibeenna. Daawiti Saaꞌooli erennan a maayo xallaa qanxxiyoogan, a qohanau koyennaagaa bessiis.—1 Sam. 24:11.
9 Daawiti Saaꞌoolaara wurssettan gayttido wodekka Xoossay tiyidoogaa bonchiyoogaa bessiis. He wode, Daawitinne Abishaayi Saaꞌooli dunkkaanidosaa gakkiyo wode Saaꞌooli xiskkiis. Abishaayi Xoossay Daawita morkkiyaa au aattidi immiis giidi qoppidabanne Saaꞌoola biittaara gattidi tooran sikkanau koyidaba gidikkonne, Daawiti a diggiis. (1 Sam. 26:8-11) Daawiti ubbatoo Xoossaa kaaletuwaa koyido gishshau, Abishaayi minttidi yootikkonne Yihoowa sheniyaara maayettiyaabaa oottanau murttiis.
‘Danddayay Ba Oosuwaa Polo’
15 Geeshsha ayyaanay kaalettin Yaaqoobi, ‘Danddayay ba oosuwaa polo’ yaagiis. Danddayay polana bessiyo ‘oosoy’ aybee? Danddayay nuuni ‘aybinne bali baynnan zawatidaageetanne paci baynnaageeta’ gidanaadan maaddees. (Yaaq. 1:4) Paacee darotoo nuuni nu eeshshan giigissana koshshiyo shugo miyyee qonccanaadan oottees. SHin nuuni he paaciyaa danddayikko, nu eeshshay kaseegaappe yaa loꞌꞌees. Leemisuwawu, nuuni kaseegaappe aaruwan danddayancha, nashshiyaageetanne qarettiyaageeta gidana danddayoos.
16 Danddayay nuuni kaseegaappe loꞌꞌo Kiristtaane gidanaadan maaddiyo gishshawu, paaciyaappe attanawu gaada Geeshsha Maxaafaa maaraa kanttoppa. Leemisuwawu, neeni shori baynnabaa qoppiyoogaa agganawu baaxetikko shin? Paaciyan xoonettiyoogaappe, hegaa mala qofaa agganawu Yihooway maaddana mala woossa. Yaatikko, kaseegaappe aaruwan iitabaappe naagettaasa. Yihoowa Markka gidenna ne soo asay nenaara eqettii? Paaciyan xoonettiyoogaappe, ubbatoo kumetta wozanaappe goynnanawu murtta. Hegee neeni Yihoowan keehi ammanettanaadan maaddees. Xoossan nashettanawu nuuni genccana koshshiyoogaa hassaya.—Roo. 5:3-5; Yaaq. 1:12.
Ayyaanaaban Alꞌꞌobaa
Neeppe Woytuwaa Aybinne Halissanaadan Oottoppa
11 Nuuni wozanappe siiqiyaabanne kehiyaaba gidikko, qanaatokko. Xoossaa Qaalay, “Siiqoi danddayanchcha. Siiqoi kehees. Siiqoi qanaatenna” yaagees. (1 Qor. 13:4) Qanaatee nu wozanan xaphuwaa yeddennaadan, nu ishanttinne michontti Kiristtaane bollaa qommo gidiyoogaa qoppidi, hanotaa Xoossaagaadan xeellanawu baaxetana koshshees. Geeshsha Maxaafay, “Bollaa qommotuppe issoi bonchchettikko, bollaa qommoti ubbai aarakka ufaittoosona” yaagees. (1 Qor. 12:16-18, 26) Yaatiyo gishshawu, Xoossay harata anjjiyo wode, nuuni eta qanaatiyoogaappe etaara ufayttana. Kawuwaa Saaꞌoola naꞌaa Yonaataanabaa qoppa. I Daawiti kawotettaa laattanawu sunttettido wode, a qanaatibeenna. I Daawita minttettiis. (1 Sam. 23:16-18) Nuuni Yonaataanaagaadan kehiyaageetanne siiqiyaageeta gidanee?
HOSPPUNE 25–UDDUFUNE 1
XOOSSAA QAALAN DEꞌIYA ALꞌꞌOBAA | 1 SAMEELA 25-26
“Neeni Issibaa Yuushsha Qoppennan Oottay?”
Wozannaama Asa Gidiyoogaa Bessaasu
10 Mino oosancha gidida he wotaaddarati dorssaa heemmiyaageeta waati oyqqidonaa? Eti he dorssaappe ekkidi maana danddayoosona shin aynne bochibookkona. Ubba eti Naabaala dorssatuyyoonne a ashkkaratuyyo dirssa gididosona. (1 Sameela 25:15, 16 nabbaba.) Dorssatanne dorssaa henttanchata daro metoy gakkees. Yan doꞌay kumiis; qassi Israaꞌeela tohossa zaway kare biittaappe yiya bonqqiyaageetinne kaysoti darotoo qohiyo soho.
11 Bazzuwan he ubba asaa ubbatoo miziyoogee deexxiyaaba gidiyoogee qoncce. Yaatiyo gishshawu, issi gallassi Daawiti miyoobaa oychchanaadan tammu asaa Naabaalakko kiittiis. Daawiti asaa akko kiittana wodiyaa akeekan dooriis. He wodee, asay dorssaa ikisiyaa meediyo ufayssa wode gidiyo gishshawu, haratuyyo kehiyoogeenne harata miziyoogee meeze gididaba. Daawiti yootana koyidobaakka akeekan dooriis; qassi Naabaala bonchuwan haasayissanaadan ba asatuyyo yootiis. I bana ‘ne naꞌaa Daawita’ giidoy Naabaali gita asa gidiyo gishshawu, a bonchanaassa gidennan aggenna. Yaatin Naabaali woygidee?—1 Sam. 25:5-8.
12 I keehi yiillotiis. Doomettan abay odettido yelagay, Abigaaliyyo “i eta cayiis” giidi yootiis. Naabaali uuzettidi ba oyttaa, ba haattaanne shuhettida ashuwaa immennaagaa cenggurssaa xoqqu oottidi amaassaliis. I Daawita kariis; qassi godaappe baqatida ashkkaradan xeelliis. Naabaali Daawita xeellidoy A ixxiya Saaꞌoolaagaa mala gidennan aggenna. Eta naaꞌꞌaa xeelaykka Yihoowagaa mala gidenna. Xoossay Daawita siiqees; qassi A xeellidoy makkalancha ashkkaradaana gidennan, sinttappe kawotana Israaꞌeela kawodaana.—1 Sam. 25:10, 11, 14.
Wozannaama Asa Gidiyoogaa Bessaasu
18 A Naabaala mooruwaa ba moorodan xeellaasu, Daawiti O maaranaadan woossaasu. A ba azinay A sunttaadankka eeyya gidiyoogaa yootada, hegaa mala asa woriyoogee Daawitayyo hayttaa gidennaagaa yootennan aggukku. Abigaala Daawiti “GODAA olaa” olettiyoogaa akeekada, I Yihooway doorido asa gidiyoogaa ammaniyoogaa yootaasu. Abigaala Yihooway Daawita ‘Israaꞌeela bolli kawoyanaagaa’ yootidoogee, Daawitanne kawotettaa xeelliyaagan Yihooway gelido qaalaa eriyoogaakka bessiyaaba. A gujjadakka, Daawiti suuttan ashettanaadan oottiyaabaa woy A ‘wozanay dagammanaadaaninne hirgganaadan’ giishin, kahay mooranchcha gaanaadan oottiyaabaa polennaadan woossaasu. (1 Sameela 25:24-31 nabbaba.) Hegee kehanne denttettiya qaala!
Ayyaanaaban Alꞌꞌobaa
Wozannaama Asa Gidiyoogaa Bessaasu
16 Hegee Abigaala ba azinay huuphe gidiyo maataa bonchennaagaa bessiyaabee? Akkay, Naabaali Yihooway tiyido ashkkaraa bolli iitabaa oottidoogaa, hegee A son deꞌiya aynne mooribeenna daro asay wuranaadan oottiyaaba gidiyoogaa hassaya. Abigaala hegaadan oottabeennaba gidiyaakko, I azinay oottidoban akka oyshettekkee? Hegaa gishshawu, A ba azinawu haarettiyoogaappe ba Xoossawu haarettiyoogaa kaseyaasu.