XOOSSAA QAALAN DEꞌIYA ALꞌꞌOBAA

Aqo Laggiyaa Akeekan Doora

Solomoni eeqawu goynniya maccaasata ekkiyoogan eeyyabaa oottiis (1Kaw 11:1, 2; w18.07 18 ¶7)

Solomona machchoti loddan loddan A wozanay Yihoowappe sherꞌꞌi gaanaadan oottidosona (1Kaw 11:3-6; w19.01 15 ¶6)

Yihooway Solomona bolli hanqqettiis (1Kaw 11:9, 10; w18.07 19 ¶9)

Misiliyaa: Aqo oyqqabeenna michchiyaa Geeshsha Maxaafaa buzo xannaˈaydda aqo oyqqibeenna ishaabaa qoppawusu. 1. He ishay gubaaˈe shiiquwan zaarees. 2. I dabaaban markkattees. 3. SHiiquwaa Addaraashaa loyttiyo oosuwan I maaddees.

Aqo oyqqibeenna Kiristtaaneti ‘Godaa ammaniya asa xallaa’ ekkanaadan woy gelanaadan Geeshsha Maxaafay zorees. (1Qor 7:39) SHin issi uri xammaqettidaagaa gidido gishsha xallawu, giiga aqo lagge gidees giyoogaa gidenna. He uri neeni kumetta shemppuwaappe Yihoowawu haggaazanaadan nena maaddanee? He uri ba kumetta wozanaappe Yihoowa siiqii? Aqo oyqqanawu maayettanaappe kase, he uraa loyttada eranawu wodiyaa bazza.