Laappune 26n Doommiya Saaminttaa Prograamiyaa

LAAPPUNE 26N DOOMMIYA SAAMINTTAA

Mazamure 47⁠nne Woosaa

□ Gubaaꞌiyaa Geeshsha Maxaafaa Xinaatiyaa:

dg tim. 10 ¶1-11 (25 daq.)

□ Tiꞌokiraase Haggaazo Timirtte Keettaa:

Geeshsha Maxaafaa nibaabee: Ermmaasa 12-16 (10 daq.)

Paydo 1: Ermmaasa 13:1-14 (4 daq. woy sima)

Paydo 2: Godaa Kahuwaa Bonchiyo Wode Oyttaappenne Woyniyaappe Ekkana Bessiyay Oonee?—rs sinttaa 267 ¶2–3 (5 daq.)

Paydo 3: Godaa Kahoy Laytta Giddon Aapputoo Bonchettana Bessii, Awude?—rs sinttaa 268 ¶2-3 (5 daq.)

□ Haggaazo SHiiquwaa:

Mazamure 50

5 daq: Erissuwaa. Godaa Kahuwau asaa shoobbiyo wode woqqu moottaa haggaazi wurssanau qoppidaakko yoota.

10 daq: Imattaa Mokkiyoogaa Dogoppa. (Ibr. 13:1, 2) Cimay haasayan shiishshiyoogaa. Godaa Kahuwau gubaaꞌee giigissidobaa yoota. SHiiquwaa shoobettidi yiida asatanne aassiyoogaa aggidaageeta waatidi mokki ekkana danddayiyaakko yoota. Hegaa bessiya naaꞌꞌu ootti-besoy shiiqanaadan ootta. Koyroogee, issi aassiyaagee shiiqoy doommanaappe kase, shoobettidi yiida uraa mokki ekkiyoogaa bessiyaagaa. Haray qassi, shiiquwaappe simmin zaarettidi aara gayttiyo gallassaa keeriyoogaa bessiyaagaa.

20 daq: “Maalaalissiya Meretay Xoossaa Bonchuwaa Qonccissees.” Oyshaanne zaaruwaa. Doommanaunne kuuyanau koyro menttuwaaninne wurssetta menttuwan deꞌiya qofaa qanttan goꞌetta. Ha biiduwaa beꞌiyoogan ay keena goꞌettidaakko ezggiyaageeta oycha. Ha biiduwaa haggaazuwan waatidi goꞌettana danddayiyaakko yoota.

Mazamure 15⁠nne Woosaa

Maalaalissiya Meretay Xoossaa Bonchuwaa Qonccissees

Daro asay meretaa beꞌiyoogan ufayttees. SHin, meretay Medhidaagaa xeelliyaagan darobaa qonccissiyoogaa akeekiya asay keehi guutta. (Roo. 1:20) Beni Daawiti Yihoowabaa geeshsha ayyaanay denttettin xaafettida a Qaalaappe tamaariis. SHin Daawiti Yihooway medhidobaa ‘akeekidoogeekka’ akko kaseegaappe aaruwan shiiqanaadan maaddiis. (Maz. 8:3, 4) Maalaalissiya Meretay Xoossaa Bonchuwaa Qonccissees giya huuphe yohoy deꞌiyo biidoy nu naatinne nuuni Geeshsha Maxaafaa xannaꞌissiyoogeeti Yihooway medhidobaa loyttidi akeekanaadan, qassi nuna medhida Gita Xoossau ay mala eeshshay deꞌiyaakko akeekidi akko kaseegaappe aaruwan shiiqanaadan maaddees. He biiduwaa xeella simmada, kaallidi deꞌiya oyshata zaarana danddayiyaakkonne ane beꞌa.

(1) Saluwaanne saꞌaa aahotettay, qassi eti maran mankkan deꞌiyoogee neeni Yihoowa keehippe nashshanaadan oottiyoy ayba ogiyaanee? (Isi. 40:26) (2) Nuuni haattaa loytti xeelliyo wode, haattaa Medhidaagaabaa ay tamaarana danddayiyoo? (Ajj. 14:7) (3) Saꞌaa yesoy, qassi saꞌaanne awa ayfiyaa giddon deꞌiya haahotettay Yihoowa aadhida eratettaa qonccissiyoy ayba ogiyaanee? (4) Aginay aybissi maaddii? (Maz. 89:37) (5) Yihooway asay deꞌuwan ufayttanaadan medhidoy ayba ogiyaanee? (6) Di en ee aybee? (Maz. 139:16) (7) Yihooway saꞌan medhido ubbabaappe asaa naati dumma gidiyoy ayba ogiyaanee? (Doo. 1:26) (8) Ooratta alamiyan hanettiyaabaappe neeni yeemuwan naagiyoobi aybee?

Harabata: (9) Dumma dumma qalamee merettanaadan oottiyaabay aybee? (10) Haattay dafuwaa higgiyaa xoonidi mittaa licuwaa gakkanau biyoy ayba ogiyaanee? (11) Haattay nu bollau keehippe koshshiyoy aybissee? (12) Paxa deꞌiyaabati issoy issuwaara moggidi deꞌiyoogaa bessiya leemisuwaa yoota. (13) Meretati issoy issuwaara hashetidi deꞌanaadan oottiyaabay aybee? (14) “Goldden anggil” giyoobi aybee, hegee merettidaban qonccidoy ayba ogiyaanee?

Yihooway Medhidobata “Xeellite”: ‘Paalliya kafota xeellanaadaaninne dembban deꞌiya ciishati waani dicciyaakko akeeki xeellanaadan’ Yesuusi nuna minttettiis. (Maa. 6:26, 28) Hegaadan oottiyoogee nuuyyo mino ammanoy deꞌanaadaaninne Medhidaagan ammanettanaadan oottees, qassi Yihoowa aadhida eratettaa, i ashshiyo wolqqaanne a siiquwaa xoqqu ootti xeellanaadan maaddees. Ha alamee oottiyo issi issiban ne qofay shaahettanaadan oottiyoogaappe, Yihooway medhido maalaalissiyaabata beꞌanaunne he meretati nu Xoossaabaa ay qonccissiyaakko wotta denttada qoppanau wodiyaa bazza.—Maz. 19:1.