Qaretaa

Yesuusi Oottidobaa

BIIDUWA: Yesuusi Daro Asawu Qarettiis

1. BIIDUWA beꞌa, woy Marqqoosa 6:30-34 nabbaba. Yaatada, kaallidi deꞌiya oyshata akeeka:

1. Yesuusinne I kiittidoogeeti ‘banttarkka asi baynnasaa’ baanawu koyidoy aybissee?

2. Yesuusi daro asaa tamaarissanaadan denttettidabay aybee?

Yesuusappe Ay Tamaariyoo?

2. Qarettiyogee, nuuni asawu mishiraachchuwa yootanaadan oottiyogaa xalla gidennan, eta maaddanaadankka denttettees.

Yesuusa Milata

3. Akeekan ezgga. Ne haasayissiyo uri bawu siyettiyabaa qonccissanaadan ootta. I haasayiyo wode kelttiya geloppa; I ba qofaa, bawu siyettiyabaa, woy I maayettennabaa yootiyo wode sohuwara esissoppa. I yootiyobaa loytta ezggiyogan, neeni awu wozanappe qoppiyogaa I akeekanaadan ootta.

4. Siyanawu koyida uraabaa qoppa. Neeni aara haasayidobaappe denddada nena hagaadan oychcha:

1. ‘I tumaa siyana koshshiyoy aybissee?’

2. ‘Geeshsha Maxaafaa xannaꞌiyogee A deꞌoy ha wodiyaninne sinttappe ufayssiyagaa gidanaadan waati maaddii?’

5. He ura maaddiyabaa yoota. Geeshsha Maxaafaa xannaꞌiyogee I ba oyshaa zaaruwa demmanaadaaninne hara ogetun goꞌettanaadan A maaddiyo ogiya, danddayettikko sohuwara qonccissa.