Danddayaa

Geeshsha Maxaafaa Maaraa: “Siiqoi danddayanchcha.”—1 Qor. 13:4.

Yesuusi Oottidobaa

Anaaxetettaa oottiyosan deˈiya ba ishaa Yaaqoobakko Yesuusi bees. Yaaqoobi A beˈidi maalaalettiis.

BIIDUWA: Yesuusi Ba Ishaa Danddayan Maaddees

1. BIIDUWA beꞌa, woy Yohaannisa 7:3-5nne 1 Qoronttoosa 15:3, 4, 7 nabbaba. Yaatada, kaallidi deꞌiya oyshata akeeka:

Koyro heeran Yesuusa ishantti I yootiyobaa waati xeellidonaa?
Yesuusi ba ishaa Yaaqooban hidootaa qanxxibeennaagaa bessiyabay aybee?

Yesuusappe Ay Tamaariyoo?

2. Issoti issoti mishiraachchuwa siyidi laamettanawu haratuppe aaruwan takkana danddayiyo gishshawu, nuuni danddayanchcha gidana koshshees.

Yesuusa Milata

3. Maaddanawu hara ogiya goꞌetta. Issi uri Geeshsha Maxaafaa xannaꞌanawu sohuwara maayettana xayikko, A wolqqanttoppa. Geeshsha Maxaafaa waati xannaꞌiyakko, qassi hegan I waani goꞌettanaakko akeekanaadan maaddanawu, injjetiyo wode biidota woy xuufeta goꞌetta.

4. Haratuura geeddarssoppa. Ubba asaykka issoy issuwappe dummatees. Ne soo asaa yaray woy neeni zaaretta oychchiyo uri Geeshsha Maxaafaa xannaꞌanawu woy Geeshsha Maxaafay tamaarissiyobaa ammananawu mammottikko, hegawu gaasoy aybakko akeeka. Ba haymaanootiyan I ammaniyo xoqqu ootti xeelliyobaa gishshataassee? Dabbotuppe woy shoorotuppe paacciyabay A gakkiiddi deꞌii? Ne yootidobaa I loytti qoppananne Geeshsha Maxaafay tamaarissiyobaa nashshana gakkanaashin danddayan naaga.

5. Siyanawu koyiya uraabaa woossa. Neeni ubbatoo loꞌꞌobaa qoppanaadaaninne hiillanchcha gidanaadan maaddana mala Yihoowa woossa. Siyanawu koyenna ura zaaretta oychchiyogaa awude aggana koshshiyakko eranawu maaddanaadan woossa.—1 Qor. 9:26.

HA XIQISETAKKA XEELLA

Mar. 4:26-28; 1 Qor. 3:5-9; 2 Phe. 3:9