Geeshsha Maxaafaa Nibaabiyaa Prograamiyaa

Geeshsha Maxaafay nu deꞌuwawu maaddiya aybippenne aadhdhiya eratettay deꞌiyo maxaafaa. Hegaa ubba galla nabbabikkonne wotti dentti qoppikko qassi tamaaridoogaa oosuwan peeshshikko “neeyyo ubbabaikka injjetananne giigana.” (Yaasa 1:8; Mazamure 1:1-3) Qassi neeni Xoossaanne A Naꞌaa Yesuusa erana; he eray qassi neeni atotettaa demmanaadan maaddana.​—Yohaannisa 17:3.

Geeshsha Maxaafaa waatidi nabbabiyaakko loꞌꞌoo? Ne doorana danddayiyo daro ogeti deꞌoosona. Geeshsha Maxaafaa nabbabiyo ha prograamee kasiyaa kaaluwan woy huuphe yohuwan maaraadan ne nabbabanaadan maaddana. Leemisuwawu, Xoossay beni Israaꞌeelatuura gayttidaagan oottidobaa eranawu hegaara gayttidaagan doorettida shaahota nabbabana danddayaasa. Koyro xeetu laytta Kiristtaaneti waani doommidaakkonne eta qooday waani dicci dicci biidaakko eranawu hara shaahuwaa nabbabana danddayaasa. Galla galla amarida shemppota Geeshsha Maxaafaappe nabbabikko issi laytta giddon kumetta maxaafaa nabbaba wurssaasa.

Galla galla nabbabiyo prograamiyaa gidin, issi laytta prograamiyaa gidin woy biron Geeshsha Maxaafaa nabbabiyoogaa doommiyaageetuyyo giigida prograamiyaa gidin neeni koyiyoobawu ha prograamee maaddana. Dawunlode ootti attamana danddayiyo Geeshsha Maxaafaa nabbabiyo ha prograamiyaa, dawunlode ootta; qassi nabbabiyoogaa hachchi doomma.