MAZAMURE 16
Yihoowi Tiyo A Naꞌawu, A Sabbite
(Ajjuutaa 21:2)
1. Asa ubbaa haaranaadan
Yihoowi tiyiis Masiya.
Xoossaa shenee saꞌan hanana,
A araataa pirdday suure.
(AZMAACHCHIYA)
Yihoowa sabboos, I tiyo Naꞌawu.
Yesuusa sabboos, ashkketoo
Ammanetti A kaalliya suuretoo
awu azazettiyageetoo.
Yihoowa sabboos, I tiyo Naꞌawu,
saluwan haariya bonchchettaagawu,
Xoossaa geeshsha sunttaa bonchchanawu I
bonchchuwan, wolqqan tiyettiis.
2. Ooratta yelettaageeta
Ayyo giigidaageeti.
A ishantti aara haarana
Saꞌan Gannatiya ehaana.
(AZMAACHCHIYA)
Yihoowa sabboos, I tiyo Naꞌawu.
Yesuusa sabboos, ashkketoo
Ammanetti A kaalliya suuretoo
awu azazettiyageetoo.
Yihoowa sabboos, I tiyo Naꞌawu,
saluwan haariya bonchchettaagawu,
Xoossaa geeshsha sunttaa bonchchanawu I
bonchchuwan, wolqqan tiyettiis.
(Qassi Lee. 29:4; Isi. 66:7, 8; Yoh. 10:4; Ajj. 5:9, 10 xeella.)