Issoy Issuwa Minttettite

1. Yihoowawu aqi awu oottanaadan

Issoy issuwa minttettiyode,

Nu siiqoynne dabbotay minnees;

Issippetettan saro doos.

Xoossaa asaa giddon diya siiqoy

Genccanaadan ubbaa maaddees.

Galchchay nuuni naagettiyo qato,

Yan nu aynne hirggennan doos.

2. Bessiya wodiyan haasayo qaalay

Siyiyode keehi minttettees!

Siiqiyonne ammanettiyo laggee

Nuna minttettiyabaa yootees.

Hidootan halchchuwan maayiya’saara

Hashiyan oottiyogee ufayssees!

Issoy issuwa kaafanawu koyoos,

Metiyaban ubbaakka maaddoos.

3. Yihoowa gallassay matidoogaa

Ammanuwa ayfiyan beꞌiyode,

Nu ogiyappe wora beennaadan

Issippe shiiqana koshshees.

Yihoowa’saara issippetettan,

Mer’nawu haggaazanawu koyoos.

Yaakko ammanetti daanaadan,

Issoy issuwara minettoos.