OYSHA 2
Xoossaabaa waata tamaarana danddayay?
“Ha Higgiya maxaafay ne doonaappe shaahettana koshshenna; an xaafettida ubbabaa minttada naaganawu, neeni gallassinne qammi saasukkada A nabbabana bessees. Yaatikko, ne ogee injjetananne ne oosuwawu hayyoy kaaleto gidana.”
Yaasa 1:8
“Eti tumu Xoossaa Higgiya Maxaafaappe bantta qaalaa xoqqu ootti nabbabidi, hegaa birshshidi qonccissidosona; yaatidi, nabbabettiyabaa asay akeekana mala maaddidosona.”
Nahimiya 8:8
“Ufayttiya asi iitatu zoriyadan hemettennaagaa . . . , shin I ufayttiyoy Yihoowa higgiyana; qassi A higgiya I gallassinne qammi saassukkidi nabbabees. . . . I oottiyo ubbabay awu injjetana.”
Mazamure 1:1-3
“Piliphphoosi miyyiyara woxxiiddi bitanee Xoossay erissidobaa yootiya Isiyasa maxaafaa nabbabiyogaa siyidi A, ‘Neeni nabbabiyobaa ubbaa akeekay?’ yaagiis. I, ‘Issi uri taayyo qonccissana xayikko waanada akeekana danddayiyanaa?’ yaagiis.”
“Xoossaa beꞌana danddayennaba gidikkonne, ayyo merinaa wolqqay deꞌiyogeenne I tumukka Xoossaa gidiyogee saꞌay merettoosappe doommidi qoncci beettees; Xoossay medhdhidobaappe asay hegaa akeekana danddayees; hegaappe denddidaagan, etayyo gaasoyiyobi baawa.”
“Hageeta yuushsha qoppa, qassi tishshi gaada ootta; yaatikko, neeni diccaydda deꞌiyogee asa ubbawu qoncci beettana.”
“Qassi siiquwawunne loꞌꞌo oosuwawu denttettanawu simi issoy issuwabaa qoppoos; . . . nuuni issippe shiiqiyogaa aggokko.”
“Intte giddon hayyoy paccido ooninne Xoossaa woossiyogaa aggoppo; ayssi giikko, I ayyo immana, qassi Xoossay ubbaayyo A balaa qoodennan, kehidi immees.”