9 “Balik dayon kamo ngadto ha akon tatay, ngan kinahanglan sidngan niyo hiya, ‘Ini an ginsiring han imo anak nga hi Jose: “Ginpili ako han Dios nga magin ginoo ha bug-os nga Ehipto.+ Lugsad ngadi ha akon. Ayaw paglangan.+

11 Susuplayan ko kamo hin pagkaon didto, kay lima ka tuig pa an gutom.+ Kay kon diri, ikaw ngan an imo panimalay ngan an ngatanan nga imo madangat ha kapobrehan.”’

13 Yana naubos na an pagkaon* ha bug-os nga tuna, kay duro gud an gutom, ngan an mga tawo ha tuna han Ehipto ngan ha tuna han Canaan nanluya tungod han gutom.+

19 Kay ano nga mamamatay kami ha imo atubangan, kami ngan an amon tuna? Palita kami ngan an amon tuna kabalyo hin pagkaon, ngan kami pati an amon tuna magigin mga uripon han Paraon. Tagi kami hin binhi basi mabuhi kami ngan diri mamatay ngan an amon tuna diri magin binayaan.”