16 Mag-iihap kamo hin 50 ka adlaw+ tubtob ha adlaw katapos han ikapito nga Sabbath, ngan katapos, maghahalad kamo kan Jehova hin bag-o nga halad nga tikang ha lugas.+

9 “Pag-ihap hin pito ka semana. Magtitikang ka pag-ihap han pito ka semana tikang ha panahon han imo siyahan nga paggarab han mga tanom nga waray pa aniha.+ 10 Katapos, imo igselebrar an Piyesta han mga Semana para kan Jehova nga imo Dios+ pinaagi han boluntaryo nga halad tikang ha imo kamot, nga ighahatag depende kon paonan-o ka ginbibendisyonan ni Jehova nga imo Dios.+ 11 Ngan magrayhak ka ha atubangan ni Jehova nga imo Dios, ikaw ngan an imo anak nga lalaki, an imo anak nga babaye, an imo uripon nga lalaki, an imo uripon nga babaye, an Levita nga aada ha sulod han imo mga syudad,* an dayo nga residente, an bata nga waray tatay,* ngan an balo nga babaye, nga aada ha butnga niyo, dida ha lugar nga pilion ni Jehova nga imo Dios basi ukyan han iya ngaran.+