Mga Salmo
Salmo ni David.
א [Aleph]
37 Ayaw kaaringit* tungod han magraot nga mga tawo
O kaawa ha mga magburuhat hin sala.+
2 Malalaya dayon hira pariho hin banwa+
Ngan mauuga pariho hin berde nga banwa nga natubo pa la.
ב [Beth]
4 Magmalipayon ka hinduro tungod kan Jehova,
Ngan ihahatag niya ha imo an mga hingyap han imo kasingkasing.
ג [Gimel]
6 Iya pasasanagon an imo pagkamatadong pariho han pagsirang han adlaw,
Ngan an imo hustisya pariho han adlaw ha kaudtuhon.
ד [Daleth]
7 Magpabilin nga hilom ha atubangan ni Jehova+
Ngan may kaikag* nga maghulat ha iya.
Ayaw kaaringit tungod ha tawo
Nga naglalampos pagtuman han iya mga plano.+
ה [He]
ו [Waw]
10 Diri na mag-iiha, ngan an magraot mawawara na;+
Imo kikitaon an ira hinmumutangan,
Pero waray na hira didto.+
11 Pero an mga maaghop magtatag-iya han tuna,+
Ngan magmamalipayon hira hinduro tungod han hura nga kamurayawan.+
ז [Zayin]
12 An maraot nga tawo nagpaplano kontra ha matadong;+
Nanngingigot hiya han iya mga ngipon kontra ha iya.
13 Pero pagtataw-an hiya ni Jehova,
Kay maaram Hiya nga maabot an iya adlaw.+
ח [Heth]
14 Ginhuhulbot han magraot an ira mga espada ngan gin-aandam* an ira mga bawog
Basi tumbahon an mga tinalumpigos ngan an mga pobre,
Basi patayon an mga nagawi hin matadong.
15 Kondi an ira espada magbubuno han ira mismo kasingkasing;+
An ira mga bawog mababari.
ט [Teth]
16 Mas maopay an gutiay han usa nga matadong
Kay han kahuraan han damu nga magraot.+
17 Kay an mga butkon han magraot mababari,
Pero bubuligan ni Jehova an magtadong.
י [Yod]
18 Maaram hi Jehova han naieksperyensyahan han mga waray ikasaway,*
Ngan an ira panurundon magpapadayon ha waray kataposan.+
19 Diri hira mahibubutang ha kaarawdan ha panahon han kadaot;
Ha panahon han gutom magkakaada hira hin damu nga makakaon.
כ [Kaph]
20 Kondi an magraot mapupoo;+
An mga kaaway ni Jehova mawawara sugad hin magrabong nga mga panabsaban;
Mawawara hira pariho hin aso.
ל [Lamed]
21 An maraot nga tawo nangungutang ngan diri nabayad,
22 An Iya mga ginbendisyonan magtatag-iya han tuna,
Pero an Iya mga iginsumpa pagwawad-on.+
מ [Mem]
23 Gin-gigiyahan* ni Jehova an mga pitad han usa nga tawo+
Kon nalilipay Hiya ha iya panggawi.+
נ [Nun]
25 Hadto batan-on pa ako ngan yana lagas na ako,
Pero waray ako nakita nga bisan hin-o nga matadong nga ginpabay-an,+
26 Pirme hiya mapinairon nga nagpapahuram,+
Ngan an iya mga anak makarawat hin bendisyon.
ס [Samekh]
27 Bayai an maraot ngan buhata an maopay,+
Ngan magpapabilin ka ha kadayonan.
28 Kay hi Jehova nahigugma han hustisya,
Ngan diri niya babayaan an mga maunungon ha iya.+
ע [Ayin]
פ [Pe]
30 An baba han matadong nga tawo nagsusumat han kinaadman,*
Ngan an iya dila nagyayakan mahitungod han hustisya.+
צ [Tsade]
32 An maraot nagbibinantay ha matadong,
Namimiling hin higayon ha pagpatay ha iya.
33 Pero diri hiya itutubyan ni Jehova ha kamot hiton maraot nga tawo+
O diri hiya mapapamatud-an nga salaan kon hukman hiya.+
ק [Qoph]
34 Laom kan Jehova ngan sunda an iya dalan,
Ngan pahihitas-on ka niya basi magtag-iya han tuna.
Kon pagwad-on an magraot,+ makikita mo ito.+
ר [Resh]
35 Nakita ko an mapintas ngan maraot nga tawo
Nga nag-uuswag pariho hin marampag nga kahoy ha tuna nga ginturokan hito.+
ש [Shin]
37 Tan-awa an tawo nga waray ikasaway,*
Ngan pirme kitaa an tawo nga matadong,+
Kay an kabubuwason hito nga tawo magigin mamurayawon.+
38 Pero an ngatanan nga paratalapas pupoohon;
An magraot nga katawohan waray kabubuwason.+
ת [Taw]
40 Bubuligan hira ni Jehova ngan sasalbaron hira.+
Iya hira sasalbaron tikang ha magraot ngan tatalwason hira,
Kay naayop hira ha iya.+