An Kanta ni Solomon

8 “Kon pariho ka la unta ha akon bugto nga lalaki,

Nga sinuso ha mga suso han akon nanay!

Hahadkan ko ikaw+ kon maagian ko ikaw ha gawas,

Ngan waray magtatamay ha akon.

 2 Tutugwayan ko ikaw;

Dadad-on ko ikaw ha balay han akon nanay,+

Hiya nga nagtutdo ha akon.

Tatagan ko ikaw hin maiinom nga bino nga ginhaloan hin maghamot nga mga tanom,

Ngan hin bag-o nga duga han mga prutas nga granada.

 3 An iya wala nga kamot ibubutang niya ha ilarom han akon ulo,

Ngan an iya too nga kamot mahangkop ha akon.+

 5 “Hin-o ini nga nasagka tikang ha kamingawan,

Nga nakapot ha iya pinalangga?”

 6 Ibutang ako sugad nga selyo ha imo kasingkasing,

Sugad nga selyo ha imo butkon,

Kay an gugma sugad kagamhanan han kamatayon,+

Ngan an pagkamaunungon* sugad karig-on han Lubnganan.*

 7 An mabalud nga katubigan diri makakaparong han gugma,+

Ngan an mga salog diri makakaanod hito.+

Kon ihahatag han usa nga tawo an ngatanan nga bahandi han iya balay para ha gugma,

Tatamayon gud ito.”*

 8 “May-ada kita gutiay nga bugto nga babaye,+

Ngan gudtiay pa an iya mga suso.

 9 “Kon usa hiya nga pader,

Magtitindog kita ha bawbaw niya hin salipdanan nga silber,

Pero kon usa hiya nga purtahan,

Bubutangan naton hiya hin balabag nga tabla nga sedro.”

10 “Usa ako nga pader,

Ngan an akon mga suso pariho hin mga torre.

Salit ha iya mga mata nagin sugad ako

Hin babaye nga nakaagi hin kamurayawan.

Imo, O Solomon, an 1,000 ka bug-os nga silber,*

Ngan an 200 para ha mga nag-aataman han bunga hito.”

13 “O ikaw nga naukoy ha mga garden,+

An akon mga kaupod* naghuhulat nga mabatian an imo tingog.

14 “Pag-apura, akon pinalangga,

Ngan pagdagmit pariho hin gasela+

O hin bata pa nga bugsok nga lalakí

Ha kabukiran nga may maghamot nga mga tanom.”