Mga Proberbios
13 An anak nga maaramon nakarawat han disiplina han iya tatay,+
2 An usa nga tawo makaon han kon ano an maopay pinaagi han bunga han iya panyakan,*+
Pero kamadarahog an ginhihingyap* han mga diri maunungon.
3 An tawo nga nagbabantay han iya baba* nagpapanalipod han iya kinabuhi,*+
Pero an tawo nga diri nagpupugong han iya baba madadaot.+
5 An matadong nangangalas ha kabuwaan,+
Pero an mga buhat han magraot nagriresulta hin kaalohan ngan kaarawdan.
6 An katadongan nagpapanalipod ha tawo nga waray ikasaway an pagkinabuhi,+
Pero an karaotan nagdadaot ha makasasala.
7 May tawo nga nagpapakunokuno nga riko kondi waray bisan ano;+
May tawo man liwat nga nagpapakunokuno nga pobre kondi damu an bahandi.
10 An pagbuot-buot nagriresulta la hin araway,+
Pero an kinaadman kanan mga tawo nga namimiling hin sagdon.*+
11 An bahandi nga madagmit nga nakukuha* magtitikaguti,+
Pero an bahandi nga hinay-hinay nga natitirok* han usa nga tawo magtitikadamu.
12 An ginpapamulat* nga nalalangan nakakapasubo han kasingkasing,+
Pero an hingyap nga natutuman usa nga kahoy han kinabuhi.+
13 An bisan hin-o nga nagtatamay han instruksyon* mag-aantos han mga resulta,+
Pero an tawo nga may respeto ha sugo babalosan.+
14 An katutdoan* han maaramon nga tawo burabod han kinabuhi,+
Basi ipahirayo an usa nga tawo tikang ha mga bitik han kamatayon.
15 An tawo nga may hilarom nga pagsabot nakakakarawat hin pag-uyon,
Pero an dalan han mga diri maunungon makuri agian.
16 An maaramon nga tawo nagios nga may kahibaro,+
Pero an lurong nagbubuhayhag han iya mismo kalurongan.+
17 An maraot nga mensahero naghihikaraot,+
Pero an matinumanon nga representante nagdadara hin pagtambal.+
18 An bisan hin-o nga nagbabalewaray han disiplina nagigin pobre ngan naaalohan,
19 An hingyap nga natutuman matam-is para ha usa nga tawo,*+
Pero an mga lurong nadiri pagbaya ha karaotan.+
20 An tawo nga naglalakat upod han mga maaramon magigin maaramon,+
Pero an tawo nga nakikig-upod ha mga lurong maghihikaraot.+
22 An maopay nga tawo nagbibilin hin panurundon ha iya mga apo,
Pero an bahandi han makasasala titipigan para ha matadong nga tawo.+
23 An inarado nga uma han pobre namumunga hin damu nga pagkaon,
Pero mahimo ito* mawara tungod han kawaray-hustisya.