Mga Salmo
Salmo ni David.
103 Dadayawon ko* hi Jehova;
An ngatanan nga aadi ha akon magdadayaw han iya baraan nga ngaran.
Ngan ginkukoronahan ka han iya maunungon nga gugma ngan kalooy.+
5 Gintatagbaw ka niya han mag-opay nga mga butang+ ha bug-os mo nga kinabuhi,
Basi an imo pagkabatan-on nababag-o pariho hin agila.+
6 Hi Jehova nagbubuhat uyon ha katadongan+ ngan hustisya
Para ha ngatanan nga gintatalumpigos.+
8 Hi Jehova maloloy-on ngan mapinairon,*+
Diri madagmit masina ngan hura hin maunungon nga gugma.*+
10 Waray kita niya tratara uyon ha aton mga sala,+
Waray liwat kita niya siruti han angay para ha aton mga sayop.+
11 Kay sugad nga an langit mas hitaas kay han tuna,
Daku hinduro an iya maunungon nga gugma ha mga may kahadlok ha iya.+
12 Pariho han kahirayo han ginsisirangan han adlaw ha gintutunoran hito,
Sugad kahirayo niya iginbubulag tikang ha aton an aton mga pagtalapas.+
13 Sugad hin tatay nga nagpapakita hin kalooy ha iya mga anak,
Hi Jehova nagpakita hin kalooy ha mga may kahadlok ha iya.+
15 Mahitungod han mortal nga tawo, an iya mga adlaw pariho hin mga banwa;+
Pariho hiya hin bukad ha kapatagan nga nabuklad hin madaliay.+
16 Pero kon nahuyop an hangin, nawawara ito,
Nga baga hin waray ito tumubo dida.*
17 Pero an maunungon nga gugma ni Jehova tubtob ha kadayonan*
Para ha mga may kahadlok ha iya,+
Ngan an iya pagkamatadong para ha mga anak han ira mga anak,+
18 Para ha mga nagtutuman han kasabotan nga iya ginhimo+
Ngan ha mga nasunod hin maopay ha iya mga sugo.
19 Marig-on nga gin-establisar ni Jehova an iya trono ha mga langit;+
Ngan an iya pagkahadi nagmamando ha ngatanan.+
20 Dayawa hi Jehova, kamo ngatanan niya nga anghel,+ nga gamhanan hinduro,
21 Magdayaw kan Jehova, an ngatanan niya nga sundalo,+
An iya mga ministro nga nagbubuhat han iya kaburut-on.+
22 Magdayaw kan Jehova, an ngatanan niya nga linarang,
Ha ngatanan nga lugar nga iya ginmamandoan.*
Dadayawon han akon bug-os nga pagkatawo* hi Jehova.