KARANTAHON 159
Himayaa hi Jehova
1. O akon Dios nga Jehova,
Harangdon ha ngatanan,
Dios nga waray kapariho,
Ngan Hadi ha kadayonan.
Kon ak’ ginpapamalandong
An pagkagamhanan mo,
Hin-o ako, O Jehova,
Nga hinigugma mo ako?
(KORO)
O Jehova, alayon karawta
Ini nga pagdayaw ko.
Ha pagsingba, ako nagkakanta.
Para ha imo gud la
An dungog ngan himaya.
2. Bug-os ko nga pagkatawo
Magdadayaw ha imo.
Isasamwak ha katawhan
An pagkamaopay nimo.
Daku gud nga pribilehiyo
An pagin alagad mo.
Ngan tubtob ha kadayonan,
O Jehova, imo ako.
(KORO)
O Jehova, alayon karawta
Ini nga pagdayaw ko.
Ha pagsingba, ako nagkakanta.
Para ha imo gud la
An dungog ngan himaya.
3. Adlaw, bulan, ngan bitoon,
Dagat ngan kabukiran—
Nakikita ko ha ira
Gahum mo ngan kinaadman.
Salamat gud, O Jehova.
Gugma mo di’ matupngan.
Angay ka gud himayaon
Kay im’ ginlarang an tanan.
(KORO)
O Jehova, alayon karawta
Ini nga pagdayaw ko.
Ha pagsingba, ako nagkakanta.
Para ha imo gud la
An dungog ngan himaya.
(Kitaa liwat an Sal. 96:1-10; 148:3, 7.)