Ano an Imo mga Tumong Para ha Bag-o nga Tuig han Pag-alagad?

An espirituwal nga mga tumong nag-uupod han bisan ano nga aton ginpapangalimbasogan nga makab-ot basi mas makag-alagad kan Jehova hin bug-os ngan mapalipay hiya. Nabulig ito ha aton nga magin hamtong nga mga Kristiano, ngan diri kawang an aton iginsasakripisyo nga panahon ngan kusog para hito. (1Ti 4:15) Kay ano nga dapat naton usisahon hin regular an aton mga tumong? Kay nagbabag-o an mga kahimtang. An aton tumong hadto bangin diri na reyalistiko o bangin nakab-ot na naton ngan puydi na kita magkab-ot hin lain.

San-o an maopay nga panahon ha pag-usisa han mga tumong? Antes magtikang an bag-o nga tuig han pag-alagad. Puydi ba niyo hisgotan ini ha iyo pagsingba han pamilya ngan maghimo hin mga personal nga tumong ngan tumong han iyo pamilya?

Ano an imo espisipiko nga mga tumong ha masunod nga mga butang, ngan ano an plano mo buhaton basi makab-ot ito?