Numbers

34 And Jehovah still talk to Moses say: 2 “Tell Israel people this things: ‘When una go inside the land of Ca′naan, this na the land wey them go give una as una property, the land of Ca′naan according to im boundaries.

3 “‘Una boundary for south side go stretch from the wilderness of Zin wey dey near E′dom, and una south boundary for the east side go start from the end part of the Salt Sea.* 4 Una boundary go change direction to pass south side of the road wey go up to A·krab′bim and continue to Zin, and the end go be the south of Ka′desh-bar′ne·a. Then e go stretch reach Ha′zar-ad′dar and continue go reach Az′mon. 5 The boundary go change direction for Az′mon to the Lowland* of Egypt, and the end go be the Sea.*

6 “‘Una boundary for the west side go be the Great Sea* and the side wey near sea. This one go be una boundary for west.

7 “‘Now this one go be una boundary for the north side: From the Great Sea una go mark una boundary go reach Mount Hor. 8 From Mount Hor una go mark the boundary go reach Le′bo-ha′math,* and the end of the boundary go dey for Ze′dad. 9 And the boundary go stretch go reach Ziph′ron, and im end go be Ha′zar-e′nan. This one go be una boundary for north side.

10 “‘Then una go mark una boundary for the east side from Ha′zar-e′nan to She′pham. 11 The boundary go stretch from She′pham to Rib′lah for the east of A′in, and the boundary go go down and cross the hills wey dey the east side of the Sea of Chin′ne·reth.* 12 The boundary go stretch go reach River Jordan and im end go be the Salt Sea. This one go be una land and the boundaries wey surround-am.’”

13 So Moses tell Israel people say: “This one na the land wey una go use lot share as una property, just as Jehovah don command to give the nine and half tribes. 14 Because the tribe of Reu′ben according to their family group from their papa side, the tribe of Gad according to their family group from their papa side, and the half tribe of Ma·nas′seh don already take their share. 15 The two and half tribes don already take their share for the east side wey dey the area of River Jordan near Jer′i·cho, wey face the side where sun de come out from.”

16 Jehovah still tell Moses say: 17 “This ones na the names of the men wey go divide the land for una as una property: El·e·a′zar the priest and Joshua the son of Nun. 18 And una go take one chief from each tribe to divide the land as una property. 19 This ones na the names of the men: from the tribe of Judah, Ca′leb the son of Je·phun′neh; 20 from the tribe of the sons of Sim′e·on, She·mu′el the son of Am·mi′hud; 21 from the tribe of Benjamin, E·li′dad the son of Chis′lon; 22 from the tribe of the sons of Dan, one chief, Buk′ki the son of Jog′li; 23 from the sons of Joseph from the tribe of the sons of Ma·nas′seh, one chief, Han′ni·el the son of E′phod; 24 from the tribe of the sons of E′phra·im, one chief, Kem·u′el the son of Shiph′tan; 25 from the tribe of the sons of Zeb′u·lun, one chief, E·li·za′phan the son of Par′nach; 26 from the tribe of the sons of Is′sa·char, one chief, Pal′ti·el the son of Az′zan; 27 from the tribe of the sons of Ash′er, one chief, A·hi′hud the son of She·lo′mi; 28 from the tribe of the sons of Naph′ta·li, one chief, Ped·ah′el the son of Am·mi′hud.” 29 Na this people Jehovah command say make them share the land to Israel people for the land of Ca′naan.