The First Book of Chronicles
27 This na the number of Israel people for the groups, the leaders of their family groups for their papa side, people wey de control one-one thousand soldiers, and people wey de control hundred-hundred soldiers, and their officers wey de work for the king, for every matter wey concern the groups wey de enter and comot every month for all the months for the year; na 24,000 people dey each group.
2 The person wey de control the first group for the first month na Ja·sho′be·am the son of Zab′di·el, and na 24,000 people dey im group. 3 From among the sons of Pe′rez, na im be the leader of all the people wey de control the groups wey them don choose to work for the first month. 4 The person wey de control the group wey de work for the second month na Do′dai wey come from the family of A·ho′hi and na Mik′loth be the assistant, and na 24,000 people dey for im group. 5 The person wey be the leader of the third group wey them choose to work for the third month na Be·nai′ah the son of Je·hoi′a·da wey be chief priest, and na 24,000 people dey im group. 6 This Be·nai′ah na strong soldier among the 30 special soldiers, and na im de control them, and the person wey de control im own group na im son wey im name na Am·miz′a·bad. 7 The leader of the fourth group wey de work for the fourth month na As′a·hel, wey be Jo′ab brother, and na im son wey im name na Zeb·a·di′ah take over from-am, and na 24,000 people dey im group. 8 The fifth leader for the fifth month na Sham′huth wey be Iz′rah person, and na 24,000 people dey im group. 9 The sixth leader for the sixth month na I′ra the son of Ik′kesh wey be Te·ko′a person, and na 24,000 people dey im group. 10 The seventh leader for the seventh month na He′lez wey be Pel′o·nite person wey come from among E′phra·im people, and na 24,000 people dey im group. 11 The eighth leader for the eighth month na Sib′be·cai wey be Hu′shah person, from among the people wey come from Ze′rah family, and na 24,000 people dey im group. 12 The ninth leader for the ninth month na Abi-e′zer wey be An′a·thoth person wey come from among Benjamin people, and na 24,000 people dey im group. 13 The tenth leader for the tenth month na Ma′ha·rai wey be Ne·to′phah person from among the people wey come from Ze′rah family, and na 24,000 people dey im group. 14 The 11th leader for the 11th month na Be·nai′ah wey be Pir′a·thon person from among the sons of E′phra·im, and na 24,000 people dey im group. 15 The 12th leader for the 12th month na Hel′dai wey be Ne·to′phah person from among the children-children of Oth′ni·el, and na 24,000 people dey im group.
16 Na this people be the leaders of the tribes of Israel: The leader for Reu′ben people na, E·li·e′zer the son of Zich′ri; the leader for Sim′e·on people na, Sheph·a·ti′ah the son of Ma′a·cah; 17 the leader for the tribe of Le′vi na, Hash·a·bi′ah the son of Kem·u′el; the leader for the children-children of Aaron na, Za′dok; 18 the leader for the tribe of Judah na, E·li′hu, wey be one of David brothers; the leader for the tribe of Is′sa·char na, Om′ri the son of Mi′cha·el; 19 the leader for the tribe of Zeb′u·lun na, Ish·ma′iah the son of O·ba·di′ah; the leader for the tribe of Naph′ta·li na, Jer′i·moth the son of Az′ri·el; 20 the leader for the tribe of E′phra·im na, Ho·she′a the son of Az·a·zi′ah; the leader for the half tribe of Ma·nas′seh na, Joel the son of Pe·dai′ah; 21 the leader for the half tribe of Ma·nas′seh for Gil′e·ad na, Id′do the son of Zech·a·ri′ah; the leader for the tribe of Benjamin na, Ja·a·si′el the son of Ab′ner; 22 the leader for the tribe of Dan na, Az′ar·el the son of Je·ro′ham. Na this people be the leaders of the tribes of Israel.
23 David no count the people wey dey from 20 years go down because Jehovah don promise say e go make Israel people plenty like the stars for heaven. 24 Jo′ab the son of Ze·ru′iah be don start to count them, but e no finish-am; and God vex for Israel because of this one, and them no write the number of the people for the book wey talk about the things wey happen for the time of King David.
25 Na Az′ma·veth the son of Ad′i·el de care for the place them wey them de keep the better-better things of the king. Jon′a·than the son of Uz·zi′ah de care for the storehouse them* for the fields, for the cities, for the village them, and for the towers. 26 Na Ez′ri the son of Che′lub dey in charge of the people wey de work for the different-different farms. 27 Na Shim′e·i wey be Ra′mah person dey in charge of the vine farms; and the person wey dey in charge of the place wey them keep the wine wey come from the vine farms na Zab′di wey be Shiph′mite person. 28 The person wey dey in charge of the olive farms and the sycamore trees wey dey She·phe′lah na Ba′al-ha′nan wey be Ge·de′rite person; the person wey dey in charge of the place wey them keep the oil na Jo′ash. 29 The person wey dey in charge of the cows wey de chop grass for Shar′on na Shit′rai wey be Shar′on person, and the person wey dey in charge of the cows wey dey the level lands* na Sha′phat the son of Ad′lai. 30 The person wey de care for the camels na O′bil wey be Ish′ma·el person; the person wey de care for the donkeys* na Jeh·de′iah wey be Me·ro′noth person. 31 The person wey dey in charge of the sheep and goats na Ja′ziz wey be Hag′rite person. Na all this people be the leaders wey de care for King David property.
32 Jon′a·than, wey be David brother pikin, na adviser, na man wey de understand things, and na secretary. The person wey de care for the king sons na Je·hi′el wey be the son of Hach′mo·ni. 33 A·hith′o·phel na adviser for the king, and Hu′shai wey be Ar′chite person na the king friend.* 34 After A·hith′o·phel, the other people wey dey na, Je·hoi′a·da the son of Be·nai′ah and A·bi′a·thar; and na Jo′ab be the person wey de control the king army.