The First Book of Chronicles
5 This na the sons of Reu′ben wey be Israel firstborn. Na im be the firstborn, but because say e spoil* im papa bed, them come give im right as firstborn to the sons of Joseph wey be the son of Israel, so for the list of names for their family, them no register-am as the person wey get the right of firstborn. 2 Even though say Judah better pass im brothers, and say the person wey go be leader come from im family, na Joseph still get the right as firstborn. 3 The sons of Reu′ben wey be the firstborn of Israel na Ha′noch, Pal′lu, Hez′ron, and Car′mi. 4 This na the children of Joel: the son of Joel na She·mai′ah, the son of She·mai′ah na Gog, the son of Gog na Shim′e·i, 5 the son of Shim′e·i na Mi′cah, the son of Mi′cah na Re·a′iah, the son of Re·a′iah na Ba′al, 6 and the son of Ba′al na Be·er′ah, wey Til′gath-pil·ne′ser wey be king of As·syr′i·a carry go as slave. Na chief e be for Reu′ben people. 7 And as e dey for the register wey them write the names of people for their families, im brothers na, Je·i′el wey be the leader, Zech·a·ri′ah, 8 and Be′la wey be son of A′zaz son of She′ma son of Joel, wey im family be de stay for the area from A·ro′er go reach Ne′bo and Ba′al-me′on. 9 And because say their animals don plenty well-well for the land of Gil′e·ad, the place wey them come de stay for the east side big sotey e reach the beginning of the wilderness wey reach River Eu·phra′tes. 10 For the time of Saul, them fight war with Hag′rite people and them win them, them come de stay for their tent for the whole area wey dey the east side of Gil′e·ad.
11 That time, the people wey come from the family of Gad de stay near them for Ba′shan go reach Sal′e·cah. 12 Na Joel be their leader, Sha′pham come be the next person, and Ja′nai and Sha′phat too be leaders for Ba′shan. 13 Their brothers wey come from their family groups from their papa side na Mi′cha·el, Me·shul′lam, She′ba, Jo′rai, Ja′can, Zi′a, and E′ber, all of them na seven. 14 Na this people be the sons of Ab′i·ha·il wey be son of Hu′ri son of Ja·ro′ah son of Gil′e·ad son of Mi′cha·el son of Je·shish′ai son of Jah′do son of Buz. 15 Na A′hi wey be son of Ab′di·el son of Gu′ni be the leader of their family group from their papa side. 16 Them be de stay for Gil′e·ad, for Ba′shan and the towns wey surround-am, and for all the place wey grass dey for animals for Shar′on go reach where them end. 17 Them write all their names for the family register for the time of Jo′tham wey be king of Judah and for the time of Jer·o·bo′am* wey be king of Israel.
18 Reu′ben people, Gad people, and the half tribe of Ma·nas′seh people get 44,760 strong soldiers for their army wey de carry shields and swords and wey know how to use bow, and them be people wey them don train for war. 19 Them fight war with Hag′rite people, Je′tur people, Na′phish people, and No′dab people. 20 And when them de fight them, God help them, so e put the Hag′rite people and all the people wey dey with them for their hand, because them pray to God for help for the war, and e answer their prayer, because say them trust-am. 21 Them collect the people animals—50,000 camels, 250,000 sheep, and 2,000 donkeys—plus 100,000 people.* 22 Them kill many people, because na the true God fight the war. And them live for their land until the time wey them carry them comot as slaves.
23 The children-children wey come from the half tribe of Ma·nas′seh stay for the land from Ba′shan go reach Ba′al-her′mon and Se′nir and Mount Her′mon. The people plenty well-well. 24 Na this people be the leaders of their family groups from their papa side: E′pher, Ish′i, E′li·el, Az′ri·el, Jeremiah, Hod·a·vi′ah, and Jah′di·el; na strong soldiers them be, men wey people know, and them be leaders of their families from their papa side. 25 But them sin against the God of their papa-papa them, them come de carry theirself like prostitute give the gods of the people of the land, the people wey God be don destroy and comot for them. 26 So the God of Israel move* Pul wey be king of As·syr′i·a (this one na, Til′gath-pil·ne′ser wey be king of As·syr′i·a) e come carry Reu′ben people, Gad people, and the people of the half tribe of Ma·nas′seh comot as slaves, e bring them come Ha′lah, Ha′bor, Ha′ra, and River Go′zan, and na there them dey till today.