How You Go Prepare for the Memorial?

For the start of this year, we go get plenty time to prepare for the Memorial of the death of Christ. If the Memorial day go be for one of the days between Monday and Friday, they no go do the Life and Preaching Meeting for that week. If the Memorial day go be for weekend, they no go give public talk and do Watchtower Study. Try use this time well. Just like for the time of the apostles, we must prepare well for this special occasion. (Lu 22:7-13; km 3/15 1) Make all of us prepare our heart. How we fit do this one?

• Think about why e dey important to attend the memorial.​—1Co 11:23-26

• Pray and think about your friendship with Jehovah.​—1Co 11:27-29; 2Co 13:5

• Read and think about the plenty things wey our organization don use Bible explain about wetin Memorial mean.​—Joh 3:16; 15:13

Some brothers and sisters de read and think about the Memorial Bible reading for inside Learn From Bible Everyday. Some de read the Bible verse them for the box wey e de talk about Memorial. Some de read topics from Watchtower about Memorial and the love wey Jehovah and Jesus don show us. No matter anyone wey you choose to study, make e help you draw near Jehovah and e pikin Jesus Christ.