You De Gain From Learn From Bible Everyday?

Everyday, you de read Learn From Bible Everyday so that your friendship with Jehovah go de strong more-more? If you never start de read-am, make you start-am. Plenty people de read Learn From Bible Everyday, for morning. This one de help them fit think about wetin them learn as them de do their different-different work for the day. (Jos 1:8; Ps 119:97) Wetin you go do so that you go gain more from Learn From Bible Everyday? Read some verse before and after the Bible verse wey them write for the text, so that you go know wetin the story de about. Try think about story for Bible wey teach wetin the text de talk about. Then think about how you fit use wetin you learn make your friendship with Jehovah strong. When you de use wetin Bible talk make decision, e go direct your life and really help you.—Ps 119:105.

Around the world, Bethel family de read and discuss Learn From Bible Everyday, when them de chop for morning. For some year now, we de post-am for JW Broadcasting^® for the part wey be PROGRAM AND EVENT. When be the last time you watch one or some of them? Some of them na exactly wetin you need. For example, how the story of Lot fit help you when you want make decision?

WATCH THE VIDEO NO LOVE THIS WICKED WORLD (1JO 2:15), AND AFTER MAKE WUNA ANSWER THIS QUESTIONS:

• Which Bible lesson the brother teach for this Morning Worship?

• How the story of Lot show the danger wey person fit enter if e love this world and the things wey dey this world?—Ge 13:12; 14:12; 19:3, 12, 13, 24-26

• Wetin we go do to show say na Jehovah we love, no be this world or the things wey dey this world?