“Troway All the Idols Wey Wuna Get”

Even though Jehovah never give law say make people no worship idol, Jacob know say na only Jehovah e suppose worship. (Ex 20:3-5) So, after Jehovah tell Jacob say make e go back to Bethel, Jacob tell all e people say make them troway their idols. Jacob bury all the idol and even earrings. E fit be say people that time de wear earring for protection. (Ge 35:1-4) We dey sure say wetin Jacob do go don really make Jehovah happy.

For this our time, how we fit worship only Jehovah? One important way na to make sure say we no get anything to do with idol or demons. This one mean say we go troway anything wey we get wey concern demons. And we go dey careful for the things wey we de watch and read. For example, ask yourself say: ‘The films and book wey I like, na the ones wey de talk about vampire, zombie, or superpower? The films wey I like de show magic, witchcraft, or charm as normal thing?’ Make we no get anything to do with things wey Jehovah hate.—Ps 97:10.

WATCH THE VIDEO “NO GIVE DEVIL CHANCE,” AFTER, MAKE WUNA ANSWER THIS QUESTIONS:

• 

  Which problem this Bible student wey e name na Peace start to get?

• 

  Why e good make we tell elders make them help us when we get problem with things wey concern demons?

• 

  If we want make Jehovah protect us, which things we go troway?

• Wetin Peace do to show say e want make Jehovah protect-am?

• Wetin people for your area de do wey fit make demons de disturb them, and how you fit avoid-am?