Make You Pioneer and Use-am Praise Jehovah

The people of Israel really get fine reason to praise Jehovah. Na Jehovah carry them comot from Egypt and save them from the army of Pharaoh. (Ex 15:1, 2) And Jehovah still de do good things for e people. Wetin we go do to thank Jehovah for the things wey e de do for us?​—Ps 116:12.

One way na to do auxiliary or regular pioneer. You fit pray to Jehovah say make e help you make you love pioneering and give you the power to do-am. (Php 2:13) Plenty people de start with auxiliary pioneer. When you de do auxiliary pioneer, you fit choose say na 30 hours or 50 hours you go report for March and April or the month wey circuit overseer de visit wuna congregation. When you see say auxiliary pioneering really sweet, e fit make you do your best to become regular pioneer. Even people wey get full-time work or de manage with sickness still de pioneer. (mwb16.07 8) True-true, Jehovah really deserve anything wey we do to praise-am.​—1Ch 16:25.

WATCH THE VIDEO, THREE SISTERS FOR MONGOLIA, AFTER, MAKE WUNA ANSWER THIS QUESTIONS:

• 

  Wetin the three sisters do so that they go fit pioneer?

• 

  How Jehovah bless them?

• 

  How pioneering open road for them to do other work for Jehovah?

• 

  How their example don help other people?