Show Say Your Friendship With Jehovah Really Dey Important to You

Jehovah don give us big honor as e choose us to be e friends. Since we don give-am our life and baptize, we go continue to make sure say our friendship with Jehovah dey tight. E don use e Son draw us come e side. (Joh 6:44) And e de hear our prayer.—Ps 34:15.

How we fit protect our friendship with Jehovah? One way na to do our best so that we no go ever do the bad things wey Israel people do. Small time after them make agreement say they go worship only Jehovah, them make image and worship-am. (Ex 32:7, 8; 1Co 10:7, 11, 14) We fit ask ourself say: ‘When temptation come, how I de handle-am? The things wey I de do de show say my friendship with Jehovah really dey important to me?’ If we really love Jehovah, we no go do the things wey e hate.—Ps 97:10.

WATCH THE VIDEO PROTECT YOUR FRIENDSHIP WITH JEHOVAH (COL 3:5), AFTER MAKE WUNA ANSWER THIS QUESTIONS:

• Wetin long throat fit make person do?

• Why e dey important make we no worship idol and no get long throat?

• How e be say to worship idol and to sleep with person wey no be our husband or wife, na the same thing?

• Why e dey important make we de spend time with our husband or wife even if we get plenty work for Jehovah organization?