Three Ways to Show Say We Really Trust Jehovah

David win Goliath because e trust Jehovah to help-am. (1Sa 17:45) Jehovah want use e power help all e servants. (2Ch 16:9) How we fit show say we really trust Jehovah say e go help us, no be our own power or experience? Make we talk about three ways:

• De pray every time. No only pray make Jehovah forgive you when you don make mistake but still pray make e help you when temptation come. (Mt 6:12, 13) No only pray make Jehovah bless decisions wey you don already make but still pray make e direct you and give you better sense before you make decisions.—Jas 1:5

• Get program to de always read and study Bible. De read Bible every day. (Ps 1:2) Take time think about examples for Bible, and do wetin you learn. (Jas 1:23-25) Prepare before you go preach, no depend on wetin you de do before. De prepare for meeting so that you go really enjoy-am

• Follow all the direction from Jehovah organization. Know the latest direction wey de come from Jehovah organization, and do your best to follow-am quick-quick. (Nu 9:17) Listen to the elders when they give you advice and tell you wetin to do.—Heb 13:17

WATCH THE VIDEO WE NO NEED TO FEAR EVEN IF PEOPLE DE SUFFER US, AND AFTER, MAKE WUNA ANSWER THIS QUESTIONS:

• Which kind fear the brothers and sisters for this video be get?

• Wetin help them fit manage their fear?