Who Be Your Friends for Internet?

One dictionary define friend as “person wey hold another person tight because of the love or respect wey e get for the person.” For example, Jonathan and David become tight friends after David kill Goliath. (1Sa 18:1) The two of them show the kind character wey make the other person want be e friend. So this one mean say for two people to become tight friends, they must know each other well. To really know person no easy, e de take time. But for Internet, e dey easy for people to become “friends,” na only one button you need to press. Since people for Internet de fit plan wetin they want talk and how they want make people see them, e dey easy for them to hide who they really be. So e dey important make we take our time think about the kind people wey we go accept as friends for Internet. So if person wey you no know want make you be e friend for Internet, no fear say e go vex if you reject-am. Because of the problem wey this kind thing fit cause, some people don decide say they no go use social network at all. But if you choose to use social network, wetin you go put for mind?

WATCH THE VIDEO KNOW HOW TO USE SOCIAL-NETWORK WELL, AND AFTER, MAKE WUNA ANSWER THIS QUESTIONS:

• 

  Wetin you need to think about before you post picture or write something for social network?

• 

  Why you need to dey careful about the kind friends wey you de choose for Internet?

• 

  Why you need to arrange the amount of time wey you go spend for social network?—Eph 5:15, 16