All Our Problems Go End One Day!

E dey easy for problem to discourage us, especially when the problem no gree go. David know say the problem wey King Saul de give-am go end one day and say e go be king for Israel as Jehovah don promise. (1Sa 16:13) The faith wey David get help-am dey patient and wait for Jehovah to handle the situation.

When we de face problem, we fit use sense and wetin we know handle the situation. (1Sa 21:12-14; Pr 1:4) But, some problem go still dey even after we don follow everything wey Bible talk to fit solve-am. When this kind thing happen, we must dey patient and wait for Jehovah to handle-am. Small time, Jehovah go end all our suffer and “wipe all the tears” from our eyes. (Re 21:4) Whether our problem end because Jehovah stop-am or because of other reason, we dey sure of one thing: All our problem must end one day! This one dey make our mind calm down.

WATCH THE VIDEO JEHOVAH PEOPLE DEY AS ONE WHEN OTHER PEOPLE DEY AGAINST EACH OTHER, AND AFTER, MAKE WUNA ANSWER THIS QUESTIONS:

• Which problems our brothers and sisters for the south side of America face?

• How they show say they get love and dey patient?

• How they continue to put mind for “wetin dey important pass”?—Php 1:10