PART 8

As Jesus Die for Us, Wetin We Fit Gain?

Jesus die so that we go get life. John 3:16

Some women de look the place wey they bury Jesus but they no see-am

After three days, some women go the place wey they bury Jesus, but they no see-am. Jehovah don resurrect Jesus.

Jesus appear to e apostles, after, e go heaven

After, Jesus appear to e apostles.

Jehovah resurrect Jesus make e live for heaven again. Now, Jesus no go fit ever die again. The disciples see Jesus as e de go heaven.

God resurrect Jesus and make Jesus King for the Kingdom. Daniel 7:13, 14

Jesus dey for throne and e de rule over people for paradise

Jesus use e life pay for our sin. (Matthew 20:28) Because of this one, God fit give us everlasting life.

Jehovah choose Jesus as King to rule this earth. 144,000 people wey God resurrect from this earth, go join Jesus rule for heaven.—Revelation 14:1-3.

God’s Kingdom go make this earth paradise. War and bad-bad things no go dey again. People no go poor again and hunger no go dey again. People go really glad.—Psalm 145:16.