Get Strong Heart

The Thing Wey Jesus Do

VIDEO: Jesus Correct One Rich Young Ruler

1. Watch the VIDEO, or read Mark 10:​17-22. Then think about this questions:

1. Which kind fine-fine character Jesus fit don see say the young ruler get?

2. Why Jesus need love and strong heart to correct the man?

Wetin We Learn From Jesus?

2. We need to show love, but we still need to tell the student for clear way wetin e really need to do so that e friendship with Jehovah go de grow.

Copy Jesus

3. Help your student get plan and succeed for the plan.

1. Use the part “Wetin You Fit Plan to Do” wey dey each lesson of the book Enjoy Life Now and Forever!

2. Help your student to understand wetin and wetin e need to do to succeed for the things wey e don plan to do for short time and for long time.

3. De always thank your student as e de grow for e friendship with Jehovah.

4. Know wetin de hold your student make e no grow, and help-am to remove wetin de hold-am.

1. Ask yourself say:

   • ‘If my student no de do the things wey go make-am baptize, wetin de hold-am?’

   • ‘Wetin I fit do to help my student?’

2. Pray to Jehovah make e give you strong heart to help you use love tell your student for clear way wetin e need to do.

5. Stop to study with the student if e no de grow.

1. To know whether the Bible study de go well, make you ask yourself say:

   • ‘My student de do wetin e de learn?’

   • ‘E de attend congregation meeting and de tell other people the truth wey e de learn?’

   • ‘After e don study for some time, e really want be Jehovah Witness?’

2. If Bible student no want grow:

   • Ask-am about wetin de hold-am.

   • Use sense explain why you want stop the study.

   • Make e know wetin e go need to do before you start e study again.