Make Your Preaching De better​—Start Discussion Wey Fit Give You Chance to Preach

Jesus fit do informal witnessing with the Samaritan woman, because e no first start de preach about the Kingdom. But e first start de discuss with her. So wetin go help us fit start de talk with people wey we no know?

• Talk with people, like say they be your friend. Even though Jesus be don tire, e start discussion with the Samaritan woman. E beg the woman for water. So you fit start your own with smile and greeting and maybe you fit talk about how weather be or something wey happen for news. Remember say, your target now, na make you just start de discuss with people. So you fit talk about anything wey the person go like. But if the person no gree talk with you, no lose hope. Try again with another person. And pray make Jehovah give you strong mind so that you no go fear.​—Ne 2:4; Ac 4: 29.

• Ready to use any opportunity preach, but make you no hurry. Just start normal discussion and leave-am make e flow. If you first start with Bible topic, the person fit no like-am and e fit stop the discussion. No worry even if you no fit preach before the discussion end. If informal witnessing de hard you, just learn how to discuss with people first. No get-am for mind say you want preach to them. [Play video 1 and make wuna discuss-am.]

• As you de discuss with the person, you fit just talk important thing about your belief. This one fit make the person want know more. Jesus talk the kind things wey make the woman ask question. By the time Jesus start de preach, na the question wey the woman ask, e just de answer. [First Play video 2 and make wuna discuss-am, after make wuna play video 3 and still discuss-am.]