Always Remember Jehovah for Everything Wey You De Do

When work scarce, e fit hard us to put the Kingdom and the righteous things wey God want as number one for our life. E fit still make us want accept work wey go make us do wetin Bible condemn or work wey go make-am hard for us to serve Jehovah well. But we dey sure say Jehovah go support all the people “wey de use all their heart worship-am.” (2Ch 16:9) Nothing go fit make Jehovah, our Papa wey love us, make e no help us and give us wetin we need. (Ro 8:32) So, when we de choose the kind work wey we go do, we must trust Jehovah and put e work as the number one thing for our life.—Ps 16:8.

WATCH THE VIDEO SERVE JEHOVAH WITH ALL YOUR HEART, AND AFTER, MAKE WUNA ANSWER THIS QUESTIONS:

• 

  Why Jason no gree take bribe?

• 

  How we fit follow wetin dey Colossians 3:23?

• 

  How Jason example help Thomas?

• 

  How we fit follow wetin dey Matthew 6:22?