Things Wey Go Help You Handle Meeting for Field Service Well

Just like other meeting, meeting for field service na gift from Jehovah. E de make us help brothers and sisters de show love and do better work. (Heb 10:24, 25) Make the meeting for field service be five to seven minutes. For inside this time, you go arrange people wey go work together, give them where they go preach, and pray. (If wuna do the meeting for field service after another meeting, make the time even reduce.) Make the person wey go conduct meeting for field service, prepare topic wey people wey go preach that day, go fit use. For example, on Saturday when plenty people never preach that week, e go good if you just talk wetin they fit use preach that day. Which other topic you fit talk about for meeting for field service?

• You fit use “How We Go Preach This Month” for our Meeting Workbook

• You fit talk how to use wetin happen for wuna area or for news, start discussion with person

• You fit talk how to preach to person wey give excuse why e no want accept the good news

• You fit talk how to preach to person wey no believe say God dey, wey believe evolution, wey de speak another language, or person wey people for your territory no too know about e religion

• You fit talk how to use things for jw.org website, JW Library^® app, or Bible

• You fit talk how to use one of the publication for our Teaching Toolbox

• You fit talk how to use other ways preach, like how to use phone and letter preach and how to do public witnessing, return visit, or Bible study

• You fit talk how to dey careful when you de preach, how to adjust your preaching, and behave well. Still talk wetin go encourage brothers make they no tire to preach or other things like that

• You fit talk how to use point or video from De Teach brochure

• You fit talk how to encourage and help your field service partner

• You fit still talk how to use Bible verse wey concern our preaching work, or sweet field service experience