De Use JW.ORG Get Help for Everyday Life

Bible de give us everything wey we need to fit manage our problems for this last days. (2Ti 3:1, 16, 17) But sometimes we fit still need help to know where the particular advice wey we need dey for inside Bible. For example, you be papa or mama wey de find advice about how to train your pikin them? You be young person wey de face problem because you de worship Jehovah? You de struggle with pain because your husband or wife don die? For jw.org you go see correct Bible advice wey go help you manage all this problems and plenty other ones.​—Pr 2:3-6.

For the jw.org home page, press WETIN BIBLE TEACH. (Check picture 1.) Then choose wetin you like to read about from the different-different topics wey go show. You fit still press LIBRARY go DIFFERENT THINGS WEY YOU FIT READ, then choose wetin you go like read about from the different-different things wey go show. (Check picture 2.) You go fit still see all this topic for JW Library^®.a You fit see better-better topics wey you go like if you just de check JW Library^® or jw.org. Another way to see any particular topic wey you de find na to type the topic for the box wey them write “Find,” for jw.org.

Make you type all these topics for the box wey them write Find, and write small thing about different-different topic wey you go like read about.

• How to train children

• Help for young people

• The truth about death