De Use the JW.ORG Start Page When You De Preach

The start page for our website get articles and videos wey them don put to help people wey really want learn from Bible. (Ac 13:48) The start page de always get topics about news or things wey people de think and talk about.

How we fit use the jw.org start page when we de preach?

• De always check the website. Try know the new-new things wey them de post for there and see how you fit use-am help person wey you meet for preaching. (To see other things wey them don post before, click “See More.”) As you de follow up with the new things wey them de post for our website, e go help you know different new ways wey you fit de use preach.

• Use articles and videos wey dey the start page take start discussion with person. This things fit help us know wetin people wey dey our territory de think about.

• Show people the start page. Mention some topic and show them how to use the website.

• Share the link. Some people no dey like talk to us face to face, but them ready to check our website. So no waste time to send the link of our website to person wey like our message or link wey go carry-am go one particular article or video for our website.