Why We Dey This Earth?

The answer wey Bible give

We fit ask questions about life for plenty ways, like Why we dey this earth? or My life get meaning? Bible show say the reason why we dey this earth na to be friends of God. See some of the important truths wey Bible show us.

• Na God make us. Bible talk say: “Na God make us, no be we make ourself.”—Psalm 100:3; Revelation 4:11.

• God get reason for everything wey e make, even us.—Isaiah 45:18.

• We “need God for [our] life,” and we still want know why we dey this earth. We de feel this way because na so God make us. (Matthew 5:3) God want make we know the answer.—Psalm 145:16.

• We de show say we need God for our life when we de try to be e friend. Even though some people de feel say e no dey possible to be friend of God, Bible tell us say: “Make wuna come near God, and God go come near wuna.”—James 4:8; 2:23.

• If we want be friend of God, we must live our life the way e want. Bibe tell us wetin God want for Ecclesiastes 12:13. E talk say: “Fear God, and obey e commands, na because of this reason e make us.”—Good News Translation.

• For future, we go enjoy everything wey God get for mind for us when God go remove all suffer and give everlasting life to e friends, e servants.—Psalm 37:10, 11.