Why Jehovah Witness No De Use Cross for Their Worship?

Plenty people think say na cross them de use know Christians. Even though say Jehovah Witness people na Christians, they no de use cross for their worship. Why they no de use-am?

One reason be say Bible show say, Jesus no die ontop cross instead, e die ontop pole. And too, Bible give strong warning say make we “run from idol worship,” this one mean say, we no go use cross for our worship.—1 Corinthians 10:14; 1 John 5:21.

See wetin Jesus talk: “Na this one go make everybody know say wuna be my disciples, if wuna love wuna self.” (John 13:34, 35) With wetin Jesus talk, e show say na strong love they go use know e true disciples.