LESSON 22
How You Fit Tell Other People About the Good News?
As you de learn Bible truth, you fit de think say, ‘E good make everybody know this truth!’ Yes, everybody need to know the truth! But, you fit de fear to tell people wetin you don learn. Make we talk about wetin fit help you stop to fear and start to tell people the good news for Bible with joy.
1. How you fit tell people wey you know, the things wey you don learn?
Disciples of Jesus talk say: “We no fit stop to talk about the things wey we don see and hear.” (Acts 4:20) They like wetin they don learn sotey they want tell plenty people about-am. Na so you de feel? If na so you de feel, look for chance to tell your family people and friends wetin you don learn with respect.—Read Colossians 4:6.
Some ways wey you fit start to preach
To talk about Bible with your family person, you fit say something like: “I learn one fine thing this week.”
If your friend de sick or de worry, use Bible encourage-am.
If your workmates ask you how you dey, talk wetin you don learn for your Bible study or for congregation meeting.
Show your friends jw.org website.
Talk make other people join you for your study or show them how they fit use jw.org ask for Bible study.
2. Why e dey important to preach with the congregation?
Disciples of Jesus no only preach to people wey they know. Jesus “send them two-two make they go to every city . . . before e go come,” so that they go preach. (Luke 10:1) The fine way wey they arrange the preaching work that time, give plenty people chance to hear the good news. As the disciples de preach together, e make them really happy. (Luke 10:17) You fit plan to preach with the congregation?
LEARN MORE THINGS
Learn wetin you fit do so that you no go de fear to preach and see how you fit dey happy as you de preach the good news.
3. Jehovah go dey with you
Some people want preach, but them de fear how people go see them or wetin people go talk or do.
You de fear to tell people wetin you don learn? Why you talk like that?
Play the VIDEO, and talk about the question for under.
Wetin help this young people stop to fear?
Read Isaiah 41:10, and talk about this question:
Why e good make you pray when you de fear to preach?
You know?
Plenty Jehovah Witness be de think say fear no go allow them preach the good news with other people. For example, Sergey be de fear and e no easy for Sergey to talk to other people. But later e study Bible. E talk say: “Even though say I de fear, I start to tell other people wetin I de learn. E surprise me say as I de talk to other people about wetin I de learn, e de make me stop to fear. And as I start to tell other people wetin I believe, e make my faith strong.”
4. Show respect for people
When you de preach the good news, no only think about wetin you want talk, still think about how you go talk-am. Read 2 Timothy 2:24 and 1 Peter 3:15, and talk about this questions:
How you fit follow the advice for this verses when you de talk to people about Bible?
Some of your family people or friends fit no gree with wetin you talk. Wetin you fit do? And wetin you no suppose do?
Why e go good make we use sense ask questions instead of to tell people wetin they need to believe?
5. Preaching de make person happy
Jehovah give Jesus the work to preach the good news. How Jesus see this work? Read John 4:34, and talk about this questions:
When we de chop better food, e de make us strong and we go dey happy. Why Jesus talk say to do wetin God want, like to preach, just be like to chop food?
Which blessings person fit get when e de preach the good news?
Try this one
For midweek meeting, learn how you fit start to talk to person.
Ask your Bible teacher how you fit be student for midweek meeting. When you do assignment for meeting e go make you ready to tell people wetin you de learn.
Use “Some People De Talk Say” or “Person Fit Ask You Say” parts for this book, to practice how you go answer when person ask question or no want listen.
PERSON FIT ASK YOU SAY: “Long time, how life?”
How you fit use this chance to tell the person wetin you don learn for your Bible study?
WETIN THIS LESSON TEACH
When you preach to other people e de make you happy, and to preach fit dey easy pass as you think.
Wetin You Don Learn
Why e good to preach the good news to other people?
How you fit preach with respect?
If you de fear to preach, wetin fit help you make you stop to fear?
LEARN OTHER THINGS
Learn about four simple ways wey you fit use jw.org contact card preach the good news.
Learn about four qualities wey you need, to help you preach the good news.
“You Don Ready to Preach and Make Disciples?” (The Watchtower, September 2020)
Watch how one Bible example fit help us get strong heart to preach the good news, even if we dey young.
Learn how you fit talk about Bible with your family people if they no de serve Jehovah.