• Learn From Jesus Junior Brother
    Watchtower (Study)—2022 | January

    • CONTINUE TO DEY HUMBLE LIKE JAMES

      James de work as carpenter as Jesus de talk to-am after e don come back to life.

      When Jesus appear to James, e humble e self and from that time, e become faithful disciple of Christ (Check paragraph 5-7)

      5. After Jesus come back to life and appear to James, wetin James do?

      5 Which time James become follower of Jesus? After Jehovah bring Jesus back to life, “e appear to James, and then e appear to all the apostles.” (1 Cor. 15:7) After that meeting with Jesus, James become one of e disciples. E dey there when the apostles de wait to receive holy spirit for inside one room for Jerusalem. (Acts 1:13, 14) After, James get the honor to serve as governing body member for apostles their time. (Acts 15:6, 13-22; Gal. 2:9) And before 62 C.E., God use holy spirit direct James to write letter to anointed Christians. We de gain from that letter today, whether we get the hope to live for heaven or for this earth. (Jas. 1:1) One man wey e name na Josephus, wey de write about the history of Jew people, write say na one Jewish High Priest wey e name na Ananias and wey be son of Annas, give order make they kill James. James continue to serve Jehovah well until e complete e life for this earth.