STUDY 6

Apply Scripture Well

John 10:33-36

WETIN YOU NEED TO DO: No just read scripture and then move to the next point. Make sure say people see how the scripture wey you read connect with your point.

HOW TO DO-AM:

Select the main points. After you don read any scripture, select the words wey e concern your main point. To do this one, repeat those words or ask question to help people see the main point.

If you use different words to explain the verse wey you read, make sure say people fit still see how the words for the Bible verse connect with your main point.
Make the main point clear. When you let people know the reason why you want read that Bible verse, make you explain how the main point connect with that reason.

As you de discuss the scripture, make your Bible still dey open. This one go help people to connect wetin you de talk with the verse wey you just read.
Make your application simple. No talk about other part of the verse wey e no concern the main point. Check wetin people don already know about the topic. Then, decide wetin go good pass to use help them understand the point well.