Make Your Preaching De Better​—How to Use Phone Preach

WHY E DEY IMPORTANT?: To use phone preach na one important way to make sure say everybody hear “the good news.” (Ac 20:24)a E de help us preach to people wey condition no allow us preach to them face to face.

HOW YOU GO DO-AM:

• 

  Prepare. Choose topic wey many people go like hear. Then write wetin you go talk for paper. You fit still write small thing to explain why you call the person in case you need to leave message for answering machine. Before you start, you fit sitdown for front of table with your paper and other things wey you go need, like phone wey get JW Library^® or jw.org^®

• 

  Dey Calm. Talk the way you de normally talk. Smile and move your hand and body like say the person de see you. Just talk straight, no stop when you no need to stop. E better make another person join you when you de use phone preach. If the householder ask you question, repeat-am make your partner hear so that e fit help you find the answer

• 

  Ask question wey go lead to return visit. If the person like our message, you fit ask-am question wey you go answer the next time wey you call. You fit still tell the person say you go like give-am one of our book or video. And say you fit use phone or computer send the publication or bring-am come e house by yourself. When you feel say e dey okay, make you tell the person about our Online Bible Study Lessons or any other topic for our website