Appawe ne Sangandina Alla?

1. Appawe ne Sangandina Alla?

Sangandina Alla na ndendewe sorga dana. Ne Sangandi niawe a pandeluge ngarra kua pareta ne ponu tana, monno na dadiwe pambei na Alla ne sorga dana monno ponu tana. Ne, liʼi egewe mbarra nda ghitta. Ata piʼa a mennege pareta a ndua, ne Sangandina Alla niawe a tuba. Niawe Sangandi apa ia kuanda.​—Mbaca Matiu 6:9, 10; 24:14; Maku 13:10.

Ne Sangandi a paretage Tokko. Yahwe na keketawa Yesu ka Tokkoge ne Sangandi Na.​—Mbaca Pabuwe 11:15.

Kaderiwe vindio Appawe ne Sangandi na Alla?

2. Appawa na Yesu ba nia Tokko a tuba?

Yesu nia a tuba ba Tokko wa oroge bana ndua ate monno bana terrege a bia. (Joane 1:14) Inda nia waikige, oro bana pareta wali sorga dana Yesu waʼi mboto na bana tulundi ghidda ata ne ponu tana. Nebana kedde wali mate, kana penne sorga dana monno kana mandiʼi bali kawana Yahwe. (Imbarani 10:12, 13) Kandukka nawege, Alla na nyannawe ne mboto kana malai pakakowe ne paretana.​—Mbaca Daniel 7:13, 14.

3. Garra a pareta olle dengnga ni Yesu?

Waʼindi a yodika dikuna ata papende na Alla a pareta olle dengngani Yesu ne sorga dana. (Pabuwe 5:10) Pa pende ullu pongnguda pazuru nandi Yesu a manandi. Dukki nebalinnawe, na Yahwe na pende patirripo kabani, mawinne gaʼi ka ata singngirai. Alinna Yesu, ba pakeddewi malaikata bai.​—Mbaca Joane 14:1-3; 1 Koriniti 15:42-44.

Pirra ata a penne sorga dana? Na tekkiwi Yesu, ata papendewi. (Luka 12:32) Mangeda da 144.000 wa ata. Apareta olle dengngani Yesu ne ponu tana.​—Mbaca Pabuwe 14:1.

4. Appa a dadi ba kawungnga paretana Yesu?

Sangandina Alla na malai bana ndendewe etti ndou 1914.a Parawi ullu pongngu na Yesu ba Tokkowa, na kapettini Kambalika monno ollena ne ponu tana. Na Kambalika na mbuttu ate langngo takka monno kana padadige susa ngarra kua ne ponu tana. (Pabuwe 12:7-10, 12) Niawe, ne susa na louka-louka kiabawe. Patau, karemba, karodduka, monno epu ”tanda” nawe bane Sangandi bana ngettage pareta ngarra kua ne ponu tana.​—Mbaca Luka 21:7, 10, 11, 31.

5. Appa papakakona Sangandina Alla?

Ba tekkiwe liʼi ege ne ponu tana, Sangandina Alla napa ia ndi a luana ata wali ia tana-ia tana. Mangeda ata a radaka atena enga ata nandi Yesu. Ne Sangandina Alla bana pamoddawi ata bokala ne ponu tana, ghidda ata na Alla apamanumara ndi. Niaka, ngarra kua ata a mbeina ndeuge ne Sangandina Alla na benningpoge ba mbelajara monno manundu mbarra Yesu.​—Mbaca Pabuwe 7:9, 14, 16, 17.

Ne a 1.000 ndeu nawe, ne Sangandi, na padadige pambeina Alla a kawungngana mbarra da ata piʼa. Enga firndaus bawe ne ngarra kua ponu tana. Kandukka nawelage, Yesu na nya baliwe ne Sangandi mbarra Amana. (1 Koriniti 15:24-26) Garra mbarra nawe pambeimu tekki we ne Sangandina Allla?​—Mbaca 2 Petura 3:13.