Garra ni Yesu?

Yahwe na patukani Yesu ne penu tana. 1 Joane 4:9

Kana kalada ate Yahwe, na benningo poge bata rengnge wa Yesu. Garra ni na Yesu? Ba ndana padadi powa Adam, ne sorga dana na Yahwe na pa dadi ni malaikata a pawessi langngo takka.

Na Yahwe na wai ge ngau amatua na, na taʼi ni malaikata a pawessi tiʼa dana na mawinne nda palaʼi po. Ngara na Maria. Na lakawa dadi waʼi betlehem. A nyanni ngara Yesu.​—Luka 1:35.

Ba ata piʼa powa penu tana na pa tudda ngara kuwa ndi patana Alla. Na nduwa ate, manawara, monno na mbeige bata mbarra ni. Bana panungnga ndi ata tuba na Yahwe a bia ndana mandauta ki.

Yesu na nduwa we parawi na takka a mbuttu ni ate. 1 Petura 2:21-24

Ba neʼe puni penu tana Yesu na pa nduwa wi ata karedduka monno na pakeddhe a pira ki dona ata mate.

Ghidda ata Farisi nda mbei kini oro natekiwe, papanungnga da ndana tuba kiwe monno ne parawi da na bokalawe.

Ata Farisi apa gado wi ata romawi gaʼi mona ka palu wa monno ka pamatewa Yesu.