15 Pea neʼe tutuʼu te kau hiva, ia te ʼu foha ʼo Asafe,+ ʼi ʼonatou tuʼuʼaga ʼo mulimuli ki te fakatotonu ʼa Tavite,+ mo Asafe,+ mo Emani pea mo Setutune,+ te tagata ʼae neʼe ina fakaha ki te hau te ʼu meʼa ʼae neʼe ha. Pea neʼe tutuʼu te ʼu tagata leʼo matapa ʼi te ʼu matapa kehekehe.+ Neʼe mole ʼaoga ke natou mavae ʼi tanatou gaue, he neʼe teuteuʼi e ʼonatou tehina, ia te kau Levite te kai ʼo te Pasikate maʼa natou.