3 Pea neʼe natou hiva te katiko ʼa Moisese,+ te tagata kaugana ʼa te ʼAtua pea mo te katiko ʼa te Akeno:+

“Sehova* ʼAtua, te Mafimafi,+ ʼe lahi mo fakaofoofo ʼau gaue.+ Ko koe te Hau ʼae ʼe heʼe gata,+ pea ʼe faitotonu mo moʼoni ʼou ala.+ 4 Sehova* e, ko ai koa ʼae ʼe mole manavasiʼi moʼoni anai kia te koe pea mo fakakololiaʼi tou huafa? He ʼe ko koe tokotahi pe ʼe agatonu.+ ʼE ʼomai anai te ʼu puleʼaga fuli ʼo atolasio ʼi ʼou muʼa,+ he ʼe kua fakaha ʼau fakamau faitotonu.”