21 Neʼe tali atu aipe e Taniela ki te hau: “Siʼoku hau, ke ke maʼuli ʼo heʼe gata. 22 Neʼe fekauʼi mai e toku ʼAtua tana ʼaselo pea neʼe ina mapunuʼi te gutu ʼo te ʼu laione.+ ʼE mole hoku lavea he ʼe ina iloʼi ʼe mole ʼi ai haku hala.+ Pea siʼoku hau, neʼe mole au fai he meʼa ʼe kovi kia koe.”

13 Ko te ʼu fakahala ʼae ʼe hoko kia koutou ʼe toe hoko foki ki te hahaʼi fuli.+ Kae ʼe agatonu te ʼAtua, pea ʼe mole ina tuku anai ke fakahalaʼi koutou ʼo fakalaka age ʼi te meʼa ʼae ʼe kotou lavaʼi,+ kae ka hoko mai te fakahala, ʼe ina toe teuteuʼi foki anai he faigamalie ke kotou hao ai, ke feala ai hakotou ʼutakiʼi.+