20 Pea neʼe ui leva e Akapo kia Elia: “Toku fili, kua ke maʼu au!”+ Neʼe ina tali age: “ ʼEi, kua au maʼu koe. Neʼe ui e te ʼAtua: ‘Neʼe ke fakatotonu ke ke fai te meʼa ʼae ʼe kovi kia mata ʼo Sehova,+ 21 koia ʼe au fakahoko anai kia koe he malaʼia, pea ʼe au tafiʼi anai koe pea mo pulihi katoa ʼi tou famili ia te hahaʼi tagata fuli,*+ maʼia mo ia ʼae ʼe mole hona ʼuhiga ʼi Iselaele.+

8 Pea neʼe ui e te hau ʼo Iselaele kia Sosafate: “ ʼE kei ʼi ai pe te tagata ʼe feala ke ta fakafehuʼi ia Sehova ʼaki ia ia.+ Kae ʼe au fehiʼa ia ia+ he ʼe mole he temi ʼe ina fakakikite ai he ʼu meʼa ʼe lelei ʼo ʼuhiga mo au, gata pe ki he ʼu meʼa ʼe kovi.+ ʼE ko Mikaia, te foha ʼo Simila.” Kae neʼe ui e Sosafate: “ ʼE mole tonu ke palalau feia te hau.”

15 Neʼe lahi ʼosi te ita ʼo Sehova kia Amatesia, pea neʼe ina fekauʼi he polofeta ke alu ki ai ʼo ui age: “He koʼe ʼe ke atolasio ki te ʼu ʼatua ʼo te hahaʼi ʼaia kae neʼe mole natou haofaki tanatou hahaʼi mai ʼou nima?”+ 16 ʼI tana palalau ki ai, neʼe ui age e te hau: “Neʼe matou fakanofo koa koe ke ke liliu ko he tagata faitokoni ʼa te hau?+ Tuku ʼosi,+ naʼa matou matehi koe!” Kae, ʼi muʼa ʼo te alu ʼa te polofeta, neʼe ina ui age: “ ʼE au iloʼi kua fakatotonu e te ʼAtua ke matehi koe, he neʼe ke fai te faʼahi ʼaia pea neʼe mole ke fakalogo ki taku tokoni.”+

6 “ ʼAua naʼa kotou foaki ia te meʼa ʼae ʼe maʼoniʼoni ki te ʼu kuli peʼe kotou laku ʼakotou mataʼi tofe ki te ʼu puaka,+ naʼa natou molomoloki pea natou haga ʼo ʼohofi koutou.