15 Neʼe kua feala pe ke au faoʼi toku nima ʼo tauteaʼi koe pea mo tau hahaʼi ʼaki he malaʼia fakamataku, pea mo pulihi koe ʼi te kele. 16 Kae neʼe au tuku ia koe ke ke maʼuli ʼuhi ko te faʼahi ʼaeni: Ke au fakaha atu toku mafimafi pea ke tala toku huafa ʼi te kele katoa.+

17 ʼE au tuku anai ia te kau Esipito ke natou lotofefeka, pea ʼe natou tuli anai ia natou. Pea ʼe au fakakololiaʼi anai ia au ʼi taku malo ia Falaone mo tana foʼi kautau katoa, mo ʼana saliote tau pea mo ʼana tagata heka hosi.+

17 Koteʼuhi ʼi te ʼu Tohi Taputapu neʼe ui e te ʼAtua kia Falaone: “Neʼe au tuku ke ke maʼuli ʼuhi ko te faʼahi ʼaeni: ke au fakaʼaogaʼi koe ke fakaha toku mafimafi pea ke tala toku huafa ʼi te kele katoa.”+