Watchtower TANAKIʼAGA TOHI ʼI TE NETI

2 Koloniko 32:21, 22

Tohi-Tapu Fakaliliu ʼo Te Malama Foʼou
- 21 Neʼe fekauʼi leva e Sehova he ʼaselo ke ina matehi te ʼu tagata tau malolohi fuli,+ mo te kau takitaki fuli pea mo te ʼu pule fuli ʼae neʼe nonofo ʼi te nofoʼaga ʼo te hau ʼo Asilia. Pea neʼe toe liliu leva te hau ʼo Asilia ki tona fenua mo he toe ufiufi lahi. Ki muli age, neʼe hu ki te fale* ʼo tona ʼatua, pea neʼe matehi ai e ʼihi ʼo ʼona foha ʼaki te heleta.+ 22 Koia, neʼe haofaki ai e Sehova ia Esekiasi mo te hahaʼi ʼo Selusalemi mai te ʼu nima ʼo Senakelipe, te Hau ʼo Asilia pea mo te ʼu nima ʼo te hahaʼi fuli, pea neʼe ina foaki kia natou te tokalelei ʼi ʼonatou tafaʼaki fuli.

Esaia 30:31

Tohi-Tapu Fakaliliu ʼo Te Malama Foʼou
- 31 ʼE mataku likoliko anai ia Asilia ʼi tana logo ki te leʼo ʼo Sehova,+
  Pea ʼe ina taʼi anai ia ia ʼaki he ʼakau.+

Esaia 31:8

Tohi-Tapu Fakaliliu ʼo Te Malama Foʼou
- 8 ʼE matehi anai te tagata Asilia e te heleta, kae ʼe mole ko te heleta ʼa he tagata.
  ʼE tamateʼi anai e te heleta, kae ʼe mole ko te heleta ʼa he tagata.+
  
  ʼE hola anai ia muʼa ʼo te heleta,
  Pea ʼe fakakauganaʼi anai tana kau tupulaga.

Esaia 37:36, 37

Tohi-Tapu Fakaliliu ʼo Te Malama Foʼou
- 36 Neʼe alu ai te ʼaselo ʼa Sehova ʼo matehi te ʼu tagata ʼe toko 185 000 ʼi te nofoʼaga ʼo te kau Asilia. ʼI te ʼaʼala ake ʼa te hahaʼi ʼi te kei uhuuhu, neʼe natou sisio ai ki te ʼu sino mate fuli.+ 37 Pea neʼe toe liliu leva ia Senakelipe, te Hau ʼo Asilia ki Ninive+ ʼo nofo ai.+